去頸紋的台灣第一玫瑰果油 - (包括預購資料)

隨著科技發達, 電腦電話不離手, 時常做了低頭黨加上年齡遞增, 以前從不有頸紋為驕傲的我, 都開始多了頸紋. 頸紋有些是天生, 細細個就有. 有些是後天的, 關乎年齡和有沒有注重保養. 有紋是令極之討厭的事, 一出了想消滅極本上不可能(除了打針), 但頸有咁多脈搏, 神經線, 我覺得真係非必要唔好行呢一步. 所以, 可以做的只是盡力去減淡.

減淡紋理並不是十天八天就可以做到, 以我的經驗, 快則3個月至半年, 慢則6個月至1年不等, 仲要係乖同勤力.

2012年7月的時候, 我和知名化妝師去了台北玩了幾天, 一齊去買了台灣第一這個玫瑰果油. 說起這名化妝師對於保養自己是非常不遺餘力, 平的貴的都會用, 效果是她最重視的, 如我成日所講, 無效的比都唔要, 唔好徙我時間.

前兩晚和她出來飯聚吹水, 當然是離不開扮靚, 講起這個玫瑰果油, 我們異口同聲說WORK呀! 大大話話我們都用了快4個月. 我們都覺得有效. 佢仲問我做乜唔入D貨放係C竇賣.

玫瑰果油 Rosehip Oil

產品特性：撫平皺紋、抗老化，可同時搭配精油使用或加入自己的潤膚霜.

功能 : 撫平皺紋、抗老化。能改善暗沈，玫瑰果油能通過促進表皮活性來提高皮膚更新能力，隨著老化現象的消失，皮膚就會變得緊緻和光滑。

份量 : 100ml

 

售價 HK$199 (不包郵, 歡迎貨到後到店取或快遞到主要商業區加$10. 購買SKINCARE滿$500免此快遞費)

截單日期 : 25/11/2012 晚上11:59PM, 一切以入數作實.
預算到貨日期 : 截單後2星期

問心, 以這價錢, 我相信絕不是100% ORGANIC ROSEHIP OIL. 不過用在頸位我覺得ok, 而且有效和化算就已勝於雄辯了.

這個ROSEHIP OIL無味, 其實是可以加上其他香薰油, 它就是底油. 單用或加了香薰油之後, 就可以全身按摩油之用. 也可以用來按摩大脾, 腰位以減淡肥胖紋. 記住, 很老實完全消減是沒可能, 減淡倒是可以.

這個油未開封前可以保存2年, 開封後則盡快用完.

用法其實很簡單, 拿小量在掌心, BLEND開後在頸上紋理按摩至完全吸收即可. 我會是左右向外按摩為止. 通常做3-5分鐘就OK.

我和化妝師用了3-4個了, 發現頸位的紋是淡了無咁明顯, 這已是很不錯的效果了.

其實100ml都不少了, 現在天氣涼D, 可以早晚搽, 質地其實不算厚, 也很快吸收.

如有查詢或問題 可以EMAIL我啦(happy.c.dou@gmail.com) 或 98305723 (what's app可)

 

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~

** 預購 : 台灣第一玫瑰保濕凝膠Rose Hydrating Gel **

** 預購 : 台灣第一玫瑰保濕凝膠Rose Hydrating Gel **

產品詳情分享 : http://www.cindychowbb.blogspot.hk/2012/11/rose-hydrating-gel.html

由於這個台灣第一玫瑰保濕凝膠Rose Hydrating Gel有500g, 可能有些客人會覺得份量大多, 而且又未試過. 所以我決定提出兩個方案給大家 :

1. 整瓶500g購買價為HK$380

2. 我會分裝250g 裝, 但只限已幫襯過C竇的客人. 每瓶250g $220

- 分裝我會保證瓶子完全由我親自消毒和分裝分裝, 並確定會在開封後1個月限期售出, 否則我會自用, 以保障客人的安全. 另外由於是分裝的緣故, 所以我並不打算出售給新客人, 建議如果是新客人又想試, 可以買一瓶原裝500G和朋友自己分.

以上產品可到店取或加$10快遞到主要商業區

截單日期 : 2012年11月8日晚上11時59分, 一切以入數作實

預算到貨日期 : 截單後約2星期

你可入數到我以下戶口:

634-312474-833 匯豐
225-2-072877 恆生
012-880106-32414 中銀

cindychowbb@gmail.com (paypal 戶口需收取5% 手續費)

入數後請寫上名字在收據並what's app 給我（請保存收據直至完成提貨），並提供：

收貨人姓名
電話
中文地址(主要商業區）

台灣第一玫瑰保濕凝膠 Rose Hydrating Gel 用後分享 ~

台灣第一的這瓶玫瑰保濕凝膠是我訂購玻尿酸時一併訂回來試試的。試用之後的確很不錯。




這些玫瑰凝膠一瓶重量為500g. 無色的, 有微微的玫瑰花味, 不假的. 這瓶凝膠可以做到保濕, 調理, 滋潤, 緊緻和舒緩.

成份：

- 保加利亞玫瑰水
從新鮮花瓣中加以蒸餾萃取而成，性質溫和適用一般膚質，給予粗糙角質滋潤增加滑順感，具有良好保濕、安撫、舒緩等功效
- 小黃瓜萃取液

含酵素，補充肌膚養分及保留水分，調理皮膚油脂，具有保濕、滋潤作用，使皮膚柔潤嫩滑

- 洋甘菊萃取液

可和緩肌膚，調理舒緩肌膚

- 金縷梅萃取液

緊緻舒緩作用，有效調理皮脂，平衡油脂分泌，常見於保濕，曬後調理，平衡安撫膚質

- 玻尿酸

提升肌膚保水的能力，讓肌膚保持潤濕度肌膚有彈性和光澤，具保溼性，減少小細紋產生



這產品質地清爽不含油質，適合各種膚質。用後能為乾燥肌膚補充水份，富有光澤、白𥚃透亮。

這個凝膠本來不存大高期望，誰知用後又出乎意料的好。

我見500g咁大瓶，分了一半給媽咪，雖然無說明開封後幾耐用完，但我會建議6-9個月內要用哂，放入雪櫃當然更安全。但天氣轉涼了，每次又要拿小量放回室溫才用. 我自己的方法是每次分50g 一瓶，大瓶放回雪櫃，那就可以減少開大瓶接觸空氣的次數。



這個Rose Hydrating Gel 我反覆用不同方法試用，發現有以下方法：


1. 豪厚敷：只要厚厚敷一層20分鐘，之後洗浄即可。這個方法最簡單，但未算發揮這Gel的特性最好。而且乾性皮膚的朋友在冬天時使用就可能覺得補濕力不夠了. 油性和中性皮膚的朋友單敷就絕無問題. 去SAUNA時厚敷一層防止皮膚乾也是我會做的事.

2.配合超聲波機使用：這個用法的靈感來自上次我跌親之後睇跌打，師傅用D薄荷啫喱加上一部超聲波機去幫我碌碌碌。咁我醒起家中有一部出土文物的ultrasound機，應該原理是一樣吧！所以回家立即找出來試，又非常ok 喎，Rose Hydrating Gel好快就吸收曬！





3. 配合精華油使用 ：如果你家中有玫瑰果油，可以加5至6滴blend 埋rose hydrating gel ,然後當敷mask咁用，玫瑰果油可以淡紋，加上這gel 效果相得益彰！


4. 配合泉發玫瑰精華油當sleeping mask : 這是我最近常用的組合,首先洗完面後我會先噴玫瑰花水，之後搽好眼霜，再用5滴泉發精華油在手掌心搓勻再按印在面上 (註: 不是按摩) ，然後再搽ROSE HYDRATING GEL上去, 可以多一點先按摩3分鐘, 你會發覺很快就吸收. 如果仲有D在面上, 就不用加ROSE HYDRATING GEL, 如果不夠了, 就可以補多些少到一個程度你不會覺得太"槳面"就可以等一陣去睡了.

我連續一星期用這方法每晚都敷. 其實用到第4天之後, 我已發現每天起身, 皮膚都很白淨有光澤. 我在開新C竇前兩個星期, 因有其他的壓力令我睡得很差. 開舖當天, 竟然有客人說我面色很好, 比起之前見到我的氣色更好, 其實我開舖之一天和當天都頭痛欲裂, 而且去了看中醫和立即做推拿去治好頭痛. 好在誤打誤撞給我找到一位很好的按摩師, 幫我即時解痛! 當然我覺得這個MASK組合的確是幫到我做到改善膚色, 但恆心也是很重要呀.





我知很多朋友都有興趣入手這ROSE GEL, 比起寶藝, 我覺得這個更好更有效果也無咁奄悶. 如果大家對這個ROSE HYDRATING GEL就興趣, 我會先做一個預購. 看看大家反應我才決定入不入貨. 畢竟台灣第一這個品牌並是非全部都好用~ 我會認真試過好的東西才賣呢~

** 分享完畢, 多謝收看~ **

這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~

C竇搬啦~ !!

首先, 你地要應承我睇完呢篇BLOG不准向我柴台擲雞蛋 !! 新C竇估估樂答案就在最下方~

C竇於2009年初由自己話自己係網店開始（其實只在家中一邊湊豬仔一邊覆email！）不經不覺快4年了。2012年3月時，我由網店轉為一間小小的實店，的確是我人生的轉捩點。

當初開C竇102時沒有考慮得周詳，只是一股傻勁，計算出承擔到風險就膽粗粗租了！開了半年之後，發覺成日要做螞蟻將貨搬來來回回真係唔掂, 而且都扭傷過幾次手腕(因為次次訂新貨都不是一件半件, 尤其是泉發蜂蜜醋/ SKIN RELIEF CREAM, 重到 Hihi !! )，希望舖和倉和OFFICE合一, 咁我就可以更專心工作，當然最好大D地方, 客人都會行得舒服D。

10月初老公陪我去了多個區找地方，一係都不合心意，一係不合預算。告訴你們, 我去地產代理找舖時, 真的受盡白眼. d地產佬根本唔想做我d咁歪茄的生意, 我講左我的要求和budget之後, 佢地個個都拋下一句話無可能wor, 連睬我都費事, 有一個地產經紀已好好, 帶了我睇3間樓上寫字樓, 不過佢話我的BUDGET只可以租到深水步, 一係一到太子, 油麻地已去到$15000 左右, 其他的地產經紀當然連舖都沒帶我去睇, 我是自己成個區, 逐條街行, 再自己問樓下d看更, 留下電話, 叫他們有人搬出就通知我(當然我都有暗示我會比返利是仔佢地啦, 如果唔係, 鬼SO我!!

每一次行了幾個鐘都無功而回, 又想地點好, 又要不貴.因為我不想成本貴了又轉駕於客人, 講真, 就算租樓上商夏, 都講緊淨租金$25-30/呎 (我講緊只係太子!!! 最細單位6-700呎, 而灣仔講緊係$100/呎以上, 管理費都未計, 越細單位難求.)。另一樣困擾我的是地點，搬去香港的話，九龍和新界的客人又不高興。搬去太子的話，香港的客人又話太遠，真的手背手板都是肉，順得哥情失嫂意！

世事往往如此，正要打消念頭，反正尚有租約。某天和鄰舖老板娘傾起、兩條友無無聊聊想周圍去睇下舖，因為她也想搬大D。咁時間關係，我又要開舖，就問佢有無上二樓和再樓上寫字樓單位看。看更說寫字樓單位已租哂，我地就遊去商場二樓睇（因我知應該仲有吉舖）。上到去一眼就看中了「新C竇」了。原址搬上一層，這決定應該大家最沒異議吧！:p

新舖201只用2天就完成傾和租, 我的另一位包租公都是很好人的70歲湊孫伯伯。由於時間緊逼，我也想快些可以倉舖合一，所以火急地進行。幸好有好多朋友鼎力幫忙，也有visual display specialist 幫我執好貨架，認真唔話得！每一件事都是爭分奪秒，我自己就急如熱鍋上的螞蟻！反而裝修就花了2個星期的時間.

原來得一條友去搬竇係好痛苦的一回事, 幸好只係樓下搬去樓上, 但都好忙好辛苦, 未來呢2年我會乖乖地係度唔再搬~!

新C竇比舊C竇面積大多2倍, 空間感好得多~ 今次真係會有位比D客放下手袋, 坐下HEA下了~ 為了賣個關子, 暫時只SHOW 1/3的舖面相片比大家睇, 仲有2/3 未SHOW架~

本來一切事都進展良好, 可惜最遺憾的, 是我想訂的"姨媽傢俬"的WORKING TABLE無貨, 本來張檯MATCH埋成間SHOP的TOTAL LOOK會好靚仔架~ , 希望12月尾之前有貨啦~ 以後我PACK 貨, OFFICE, 舖都會係呢度架啦~





好多客問我點解唔搬去旺角太子或其他地方, 一來是租金問題, 我不想因為舖大而加價. 我做了4年大部份99%的產品都無加過價架~ 另一方面去左太旺的場, 人流係多左, 但相對可能失貨會更多. 我PREFER要QUALITY的客人, 而且太多人入黎, 我根本無時間可以認真和客傾, 更無法了解她們的需要, 所以我PREFER這個不旺的場, 我PREFER客人真心一意來找我.

抱歉一直無告訴大家新C竇地址，是因大多不可預料的事發生了，我不想自己太大壓力，幾時ready就幾時開始是最好，我份人希望隨心隨意。

現在、是時候了!

新C竇 : 尖沙咀山林道46-48號運通商場2樓201號舖 (原址上多一層, 樓梯上多一層)

希望大家會繼續支持, 我也會繼續寫好我的BLOG, 湊大我呢個"C生女"!!

2012年10月30日星期二會正式投入服務, 2012年11月3日會有一個Shop Warming Party (3-6PM), 到時會踩埸有福袋送架~

Babies Only - 來自澳洲有機嬰兒用品

今年是很多BB出世的一年, 大家都趕著生龍BB, 所以很多客人問我店內有沒有好的嬰兒用品介紹.

今次正是要介紹澳洲天然有機嬰兒品牌 Babies Only. 這個其實我不用多花唇舌大家都可能巳認識, 因為在銅鑼灣皇室堡已有專門店, 也在Thirty Sixty和很多專售嬰兒有機產品的地方會見到它們的蹤影. 現在C竇都有了!!!

 

** 首次推出的優惠**

 

 

現凡購買Babies Only 系列任何產品總值滿$499, 即送Babies Only  Soothing Shampoo 125ml 壹支, 價值$199!! 數量有限, 送完即止. 店內有TESTER 供各位試用選購.

 

Babies Only Organic Skincare 產自澳洲，創辨人Fay Najjar 是擁有25年經驗的資深美容師, 並曾於多間著名美容公司如Loreal, Lancome等任職高級管理人員, 於澳洲開設大型水療中心.

有鑑於市場上現有的嬰兒和媽媽產品質素良莠不齊, Fay Najjar 和其同是專業香薰治療師姊姊決定擕手研製出有機純正的時尚又好質素的妥 是由一位兒科草本專家和當地的具有30年經驗的香薰治療師團隊共同研制。

全部產品用純正有機成分，天然安全，並已有OFC有機認証, 媽媽可安心給寶貝使用。

產品的包裝使用了琥珀玻璃PET, 保存精華油和其實必須保護的地方，只會使用食物級別的全天然防腐劑.

在大部份的產品中，也是利用了有機Manuka 蜂蜜的治療特性為主要星級成份，有機Manuka 蜂蜜有助皮膚䋺纖維再生，而且對治療乾燥龜裂皮膚尤其有效。


Gentle Baby Wash. 沐浴露

250ml $299

125ml $199


這是為寶寶清潔頭髮及身體的沐浴露

此沐浴露不含香料，成份有 :

-有機橄欖油
- 滋潤和具治療特性的荷荷芭油
- 夏威夷果仁油
- 向日葵油
- 維他命A D E
- 蘆薈

用法：先用溫水濕潤雙手，在掌心搓出泡沫，然後輕輕按摩BB全身，最後用清水沖洗乾淨。

Smooth as a Babies Balm 寶貝兒尿布疹膏

100ml $329

這個是我大力推介的尿疹膏. 一般市面上的尿布疹膏都是很HEAVY的質地, 很杰身, 很"槳"住BB的PAT PAT, 很難搽得均勻也不易被皮膚吸收, 試想像BB的PAT PAT換完尿片, 搽完難吸收的尿疹膏, 屁股仔仍是濕的就要蓋上尿片, 想唔痕都難.

這個尿疹膏是我試過咁多種牌子之中, 最快被皮膚吸收, 搽完一陣就滲透入屁股仔皮膚, 不會槳住令寶貝BB唔舒服.

搽完都唔夠15秒就已經索晒, 不會黏黏的! 讚~





主要成份

- 澳洲特有的白黏土 WHITE CLAY (天然成份, 易吸收令肌膚保持乾爽
- 蘆薈 (舒緩, 補濕, 保護BB肌膚)
- 綠茶萃取, 金盞花, 蓍草, 茶樹油 (有效消炎, 抗氧化及抗菌)

在沐浴後或每次更換尿布時在乾淨乾爽患處使用





Baby Face Cream 寶貝兒面霜

60ml $259

這個Cream 的Texture 很輕, 很快就會被皮膚吸收, 而且有效滋潤及修護寶寶敏感肌膚!

主要成份

- 有機Manuka 蜂蜜（有效抗菌，滋潤補濕乾燥肌膚
- 蘆薈
- 荷荷巴、紅花油、橄欖油（抗敏抗炎）
- 蓍草(Yarrow), 藥蜀葵（Marshmallow)及德國甘菊（紓緩、減低BB過敏的機會

使用方法：直接搽在BB面上輕輕推開


Kiss It Better Balm 親親寶寶萬用膏

50g $199

 

這個是一款多功能性的軟膏, 有效舒緩乾裂肌膚和咀唇, 亦可用於割傷,蟲叮, 擦傷, 燙傷, 痱疹, 全家合用.

主要成份
- 迷迭香 (促進肌膚胞更新, 加快傷口癒合)
- 金盞花 (鎮靜肌膚, 有效預防出現過敏)
- 茶樹 (殺菌消炎, 防止患處發炎)




質地是軟膏狀, 有點香薰味道, 頗舒服也滋潤的.




塗均後~








Non Talc Baby Powder 寶貝兒爽身粉

125ml $199


- 採用天然易吸收的澳洲white clay,不含滑石粉。澳洲白黏土是天然吸收劑，可令肌膚保持乾爽。

- 配合具治療特性的100% 有機茶樹油、抗菌、消炎，保護寶寶臀部的肌膚，有效預防BB尿疹





Don't bug me Insect Repellent 100% 天然驅蚊劑

125ml $199

50ml $99


- 雙重功效，既是純正天然驅蚊劑、也可在炎熱時用作清新噴霧

主要成份
- 薫衣草（天然易吸收劑，令肌膚保持乾爽，預防敏感）
- 茶樹（紓緩及清涼功效、有效消炎抗菌
- 薄荷（消炎、抗菌）
- 香茅及百里香精華油（驅散蚊蟲）

使用方法：於需要時直接噴灑在BB身上




如欲查詢或購物可到FACEBOOK看看或致電/what's app 98305723.


這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~

Pixel Clinical - Youth Booster系列 (美肌28,Instant Push Up, Sugar 3)

今次係講第二個系列係關於Pixel Clinical Youth Booster.

Youth Booster屬於抗皺系列, 包括：
- 美肌28精華 Wrinkle No more
- 肌底膜緊致精華 Instant Push Up
- 抗醣化彈力精華 Sugar-3

美肌28精華Wrinkle No More


主要成份有:

CM - Glucan
CM - Glucan P

什麼是CM - Glucan 呢？其實都係透明質酸同純水配方，但可以提升肌膚自癒及防禦能力，活化肌膚細胞，強化吸收，排毒及運送養分能力。

CM Glucan 其中一種多醣類成份，證實能夠增強皮膚免疫力嘅專利元素。可以抗氧化及自由基清除劑，集中對抗衰老促進皮膚再生，抵抗紫外線刺激和減少紅斑修復肌膚的功能。

功效：
- 對抗衰老，減淡皺紋，改善皮膚質感
- 皮膚再生、重建皮膚、舒緩皮膚粗糙
- 具抗氧化作用、保護皮膚免受紫外線刺激
- 修復皮膚、減少紅斑、幫助傷口癒合

呢一隻精華係任何皮膚都可以用，就算最敏感嘅皮膚都可以用嘅，因為係可以加強自己皮膚免疫能力，這精華係連眼部位置都可以用。佢可以抗敏同埋增加皮膚嘅亮澤。
我有一個客皮膚係極度敏感，小小事或者轉天氣都會勁甩皮好痕。用咗呢一個美肌28幫到佢改善皮膚嘅抵抗能力，減少粒粒和紅點。最好係可以連續使用二十八天，令皮膚可以回後光滑和光澤。

如果你是皮膚容易敏感, 想改善並增加皮膚的抵抗力, 減少紅斑,粒粒, 減淡細紋. 增加光澤, 就可以用這美肌28精華了. 我也會用這精華在眼肚, 魚尾紋位置去減淡細紋.




肌底膜緊緻精華 Instant Push Up

至於肌底膜緊緻精華 Instant Push Up,基本上係我全個Pixel 精華系列的最愛，最愛佢係因為好快見到功效。這支精華更加在Swiss Technology Award 得獎!

主要成份：
- Lipobelle Soyaglycone 有效提升膠原密度，對抗鬆弛，和有效預防膠原蛋白分解
- SYN-COLL能促進膠原蛋白合成獲増生、促進肌膚細胞更生
- CM GLucan 超強抗氧化作用，形成肌膚保護膜，防止因為UV引起嘅自由基傷害。
- 得獎成份SYN-AKE，完全模仿有效蛋白分子Waglerin 1 之結構、有效放鬆肌肉，釋放皺紋
- Isoflavon Genistein 提升膠原密度、對抗鬆弛、收細和緊緻毛孔。

緊致精華其實我唔係用過好多款，其實都係呢一、兩年先開始用。唔知大家有冇用過Cellbone 既lifting serum?

當時買了兩支精華系因為佢買2支精華就可以送一部導入導出機。咁我就買咗一支Lifting.Serum再加一支美白精華.

Cellbone 緊致精華我已經用左大半樽但係一啲緊致嘅效果都冇( 雖然Queenie大讚呢一支精華.其實我都用呢支用得好辛苦，因為佢陣味好似跌打酒，我每晚都要臭住去瞓覺，實在好難頂！所以用左半支都無效之後，我決定用黎搽頸！嗰部導入導出機更加唔知去左邊囉！

講番基底膜緊致精華先((Instant push up)！點解我咁鍾意佢呢？係因為真係用咗一個禮拜之後，你就會感覺到你的皮膚細胞係由底層開始緊緻起來，原理就好似令皮膚細胞吹漲返飽滿的感覺！呢種感覺只有我以前做儀器機先至會感覺到，而家連搽已經可以所以好驚喜, 加埋導入機的效果是更好. 如果你面部肌肉有D鬆弛，尤其是apple cheek 位，我會建議你用呢一隻精華，你呢一支精華係我誠意心水推介。

研究指出皺紋形成是因為底層膠原蛋白流失所致，底層膠原蛋白細胞流失被表面嚴重得多，膠原蛋白持續流失令細胞密度下降，結構組織的天然承托力局部消失逐漸形成皺紋。至於底層膠原蛋白流失是因為委縮，受損(UV)和糖化令結構組織變得僵硬無彈性。



Sugar-3 抗醣化彈力精華





Sugar-3精華主要成份是 :

- Carnosine (有效預防及抑制肌膚蛋白質醣化現象,可以返轉細胞受損，強化膠原蛋白及彈力纖維強韌度，令肌膚回復青春強力緊緻)
- CM-Glucan (是其中一種多醣類成份，能夠增強皮膚免疫力嘅專利元素。抗氧化及自由基清除劑，集中對抗衰老促進皮膚再生，抵抗紫外線刺激和減少紅斑修復肌膚)



功效：

- 增加皮膚彈性，抗醣化
- 增加皮膚厚度，對抗衰老
- 修補膠原蛋白纖維
- 徹底改善肌膚組織結構，改善鬆弛下垂肌膚
- 刺激纖維母細胞増生骨膠原
- 。抗氧化作用保護皮膚免受紫外線或自由基的傷害
- 加強皮膚抗敏感能力，保護皮膚免受感染，並幫助修復受損肌膚嘅作用。

適合：鬆弛、皺紋, 欠缺彈性的皮膚

呢個時候我想向大家介紹一個新名詞 - Glycation 醣化.

我越睇得多資料越驚越後悔, 這些資料都是有科學根據和証明, 實驗証明糖和老化是有直接關係.

大部份女性其實好鍾意食甜既食物, 覺得甜食係可以令你開心. 但係糖分除了致肥之外，更是加快衰老的元兇，皮膚唔好。糖分令到細胞會醣化，缺乏彈性同埋會鬆弛. 當醣黏附在真皮層的膠原蛋白，膠原蛋白會互相糾纏，呢種情況叫cross linking交聯效應，會令膠原蛋白失去本來應有的彈性修復功能。簡單啲來講，其實係糖分令細胞變得比較脆弱和硬化。所以如果你愛錫你的皮膚和想對抗衰老，你應該要減少進食甜品。糖份對皮膚一點好處也沒有，就算要吃糖，也要進食「好糖」，吃紅糖、蔗糖, 黑糖較好，白糖少接觸為妙。

以下的文章可以令大家更加明白Glycation的成因和害處 :
http://www.elle.com/beauty/makeup-skin-care/sugar-aging-how-to-fight-glycation-614621


另外我覺得大家對於營養液有一點誤解。大家可能以為使用透明質酸已經足夠補充營養，其實透明質酸主力用在補水鎖水作用，要改善皮膚的一些問題例如粗糙，膚色暗啞，面黃、去暗瘡印、淡斑等等，其實需要用其他營養液去輔助並解決問題。所以一支透明質酸並非萬能，好多時要善用其他精華液打底再用透明質酸on top 補水鎖水，才能對症下藥！每一位愛美, 又想DELAY AGING的朋友, 其實同時用幾支精華一齊用是很平常事, 我自己每一晚都要用2-3種精華去保養, 去對抗不同的問題. 女人唔"保"好易無架!!!

究竟我應該如何選擇Instant Push up 還是Sugar-3?

如果你仲年青, 又會積極預防和對抗衰老和細紋, 恭喜你, 你仲有好多時間防患未然. 細胞醣化一般出現在30-35歲或之後. 防範醣化GLYCATION最好當然是未發生之前去預防. 所以我會建議35歲前又肯乖乖和注重保養的美眉使用, 這樣就可以延遲細紋出然和抗衰老.

如果知得太遲疏於保養而現在想補救都未遲, 當然時間上要花多一點才會見效, 我會建議用Instant Push Up. 不用灰心, 比D心機, 慢慢改善, 這世上只有懶女人, 沒有醜女人!




如欲查詢或購物可到FACEBOOK看看或私留.


這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~

Pixel Clinical精華系列簡介

今次介紹的是意大利醫學品牌Pixel Clinical的精華系列。



有到過我舖的朋友也許已見過這些精華的真身, 整整齊齊在架上，也其實已賣了一段時間。很多客人來到我店都問我, 點解仲未見我寫BLOG介紹呢? 其實由於太多產品, 我又不想篇篇blog都是講產品, 所以一拖再拖, 太多東西我想寫了!


Pixel Clinical的精華劃一都是30ml, 分了4個組別.

1. Aqua Booster (補水系列）

- HA++ 透明質酸原液




- HA Soother 透明質酸原液

- Aqua B5 水源維他命B5



2. Youth Booster （抗皺緊緻系列）

- Wrinkle no more 美肌28精華



- Instant Push Up 肌底緊緻精華



- Sugar-3 抗糖化彈力精華


3. White Booster 美白精華系列）

- Trio-C15 透白重生精華




- Triple White 改底白滑精華




4. Cell Booster (細胞再生系列)


- Stem Reborn 蘋果幹細胞精華



- Age Reverse 染色體重生活力精華









Pixel 的精華系列各司其職，其實隻隻都各有千秋。, 雖然就咁唧出黎都係透明∕無色無味, 就咁睇真係無乜分別. 我會陸續寫用後感受，將重點使用和推介的講出來.


如欲查詢或購物可到FACEBOOK看看或私留.


這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~

Pixel Clinical 精華篇 Part One : 分享使用Aqua Booster 系列心得

Pixel Clinical的精華劃一都是30ml. 先講最多人認識的補水系列 (Aqua Booster).

想先看看舊文介紹全系列可以到以下網址 :

http://blog.yahoo.com/happycdou/articles/622506/category/Pixel+Clinical+%E7%94%A2%E5%93%81%E5%88%86%E4%BA%AB

Aqua Booster (補水系列）


HA++ 透明質酸原液



HA Soother 透明質酸原液.

HA Soother 是滲透版, 個人認為可能大部份客人會覺得因為滲透得太快, 所以會不夠潤. 這個夏天用會較適合, 因為感覺無咁厚, 在潮濕又熱的天氣下滲透快些會爽身一點.





市面上其實都有很多不同牌子的透明質酸出售, 大家都應該不會陌生. 在我而言, 問心講句, 其實我覺得不論是什麼牌子, 大家的表現都只會差不多, 分別在於份子夠不夠幼細, 擕水能力有幾多倍和價格之爭.

透明質酸(hyaluronic acid) 另一名稱為玻尿酸 ,它的透明質分子能攜帶500倍以上的水分，為目前所公認的最佳的保濕成分.

現在我們知道的補濕程序和理論, 已不如以前我們上一代那麼簡單了, 而是更理論化, 把補濕完之後的工序再行多一步, 就是"補完要鎖", 補完濕要鎖水.

透明質酸的確有高度保濕功效，皆因它是一種吸水力極強的物質，可以把空氣中的水分吸進皮膚內, 所以使用透明質酸應該是在鎖水工序的最後.


以下是我的經驗和分享 :

- 想要正確的使用到透明質酸的功效, 應該在剛洗臉後塗上"快快手"搽好你的TONER和其他營養精華(如有), 趁所有在面上的液體尚未完全滲透入皮膚時, 再"快快手"搽埋透明質酸去封印. 當皮膚上還殘留濕氣，透明質酸便可鎖住大量水分子；

- 鎖住水分重要一環仍在於最尾要在皮膚角質層上的類皮脂膜層使用，一些天然的親油性的保濕霜. 就像我們在水面上加上一層油脂, 水份就不會那麼易揮發. 所以如果皮膚屬於偏乾的人，應加塗上一層潤膚霜.

- 然而由於未必很多人明白透明質酸的特性, 所以有機會覺得點解用了都仲係覺得好乾呢? 就是有可能用得不其法. 在極乾燥的環境中，如在臉上塗上單搽上透明質酸想增加皮膚濕度，由於它是一種吸水力極強，可以把空氣中的水分吸進皮膚, 但如果透明質酸在沒水可吸的情況下，反而會抽出皮膚內的水分，而乾燥的天氣很快就把水分蒸發，結果乾上加乾。 這就是我說的不得其法.

- 完成以上的步驟, 理論上, 如果你臉上有足夠的水分, 就會像被鎖入保險箱，萬無一失。

- 縱使如此, 並不要以為用了透明質酸就是最好的方式. 我自己覺得內在的儲水功能也很重要. 自身水份的提升是基本,所以多喝水, 以食療調理身體有自動調節功能更為基本.

- 其實最近天氣濕度的驟降會令大家好緊張, 皮膚覺得很乾很緊. 大家不用太擔心, 皮膚也需要適應期, 過多一排大家習慣左應該會好D, 我地做返好自己日常護理就好了. 當然多敷些MASK都無壞.

- 透明質酸也不用一次搽太多, 尤其早上, 因為太多反而會在化妝時發現在膠屑. 晚上就可以貪心D, 不過記得要快快手!

- 由於我們搽太多產品在臉上, 所以我建議大家最好一星期都做一次PEELING或SCRUB, 減少角積層老化而影響我們對精華液的吸收.

想知多D關於透質酸, 可以瀏覽以下網頁, 雖然是幾TECHNICAL(仲要係全英文), 不過我睇完之後覺得學到野呀~

http://www.ctds.info/hyaluronic_acid.html




Aqua B5 水源維他命B5

 

Aqua B5 其實都係透明質酸做底, 再加上維他命B5精華.

前幾日, 我問了一個客人一個問題. 我問佢, 點解你要用B5??? 佢答我 :"唔知呀, 全世界都用, 我米用囉. 我D同事當B5係神黎架!". 聽完我笑佢係"羊太", 羊群心理!!! 我才知道大家根本都唔知係乜野情況下用B5.

其實B5是一種水溶性維生素, 也是皮膚下的鎖水因子，協助新陳代謝, 所以是比較適合微創後的皮膚使用, 例如做完LASER FACIAL, 果酸, MTS微針等等. 其作用是主要去修復回你受創了的皮膚, 除了補濕之餘, 也可以令你皮膚上的傷口埋口得靚D, 治療傷疤, 具有癒合作用.

當然就算你無做LASER FACIAL, MTS或果酸換膚都可以用AQUA B5, 應該唔會有乜壞處, 只係起碼應該知道自己用緊乜野係自己塊面上.



最後, 忘了和大家分享精華的樣子. 都是無色無味的.



下一篇的PIXEL SERUM我會講我的最愛 - 抗皺緊緻系列 YOUTH BOOSTER.

如欲查詢或購物可到FACEBOOK看看或私留.


這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~

Solone 防水眼線筆用後分享

其實, 我一直是用開旋轉眉筆很多年, 之後朋友介紹我用SHU 家, 好用不過有時覺得麻煩, 因為要拎去佢地SHOP刨, 遇著去旅行又跌斷了就弊傢伙, 仲要帶眉刷去BLEND鬆眉色, 所以我仍是心繫"懶眉筆". 旋轉眉筆都交了不少學費, 並不是質地的問題, 而是顏色無選擇, 我次次買完之外, 試了一次就放埋一邊, 因為他們的啡太深色, 令我成個"黃小虎, 石黑龍"一樣的粗眉大嬸一樣.

試用了SOLONE的眉筆, 是由於其眼線筆表現出色, 它家的產品應該錯不去那裡!

出奇地, 這眉筆產地是韓國, 更加令我加印象分.我只入了棕色和淺棕色2款. 眉筆是扁長芯 容易畫出眉型, 筆身已有眉刷, 方便之極.

其實2個色的深淺分別不大, 上面是棕色, 下面是淺棕. 大家可以根據自己的頭髮顏色去MATCH.

由於我有染髮, 髮色較淺, 我用了淺棕. 這是早上8時化完妝的照片.

下圖是晚上11時左右的照片. 大家看見我的面油多到反晒光, 出了15個小時街又出了不知多少汗, 條眉仲係度, 粉底就已無晒, 可想而知SOLONE這眉筆靠得住. 以三十幾蚊的價錢來講, 絕對對得住價格!

 

 

SOLONE 眼線筆 $39@ 有興趣的朋友可以WHAT ' S APP或EMAIL找我 (happy.c.dou@gmail.com / 98305723)