Amigo X'mas Lunch

好友約我食X'mas Lunch, 問我去過Amigo未, 我話未呀, 但存有好多幻想(可能成日覺得梁朝偉向劉嘉玲求婚, 覺得果度應該好靚好浪漫). 既然係咁, 大家都同意去Amigo食, 反正人一世物一世.

 

 

 

入到去, 我覺得有D唔對路, 可能我自己幻想得太美好, 場內天花掛滿了珍珠黃色的汽球已有點不對胃口. (沒拍照, 因為心已冷了一截). 我寧願佢地正正經經放些少聖誕花, 又或者就咁一支紅玫瑰對好, 現在我覺得DOWNGRADE了.

 

之後, 問我地飲Still Water 定Sparkling water 仲大鑊, 真係令我意想不到, 佢拎支"X雪"膠樽水出黎. 雖然我唔知支水有無收我錢, 反正錢我預左要比, 但係...........真係無想話Amigo會拎呢支水出黎.......心中有一種好失望的感覺.

 

 

X'mas Lunch有2 set 套餐分別是$390和$890. 其實問心$890的內容不見得好特別也不是很吸引, 但$390那個, 我和朋友都沒有ORDER欲望, 固且搏一搏.

 

 

先上了個牛油和BAGUETTE, 牛油是玫瑰花, 加返5分, 法包好好味, 熱哄哄的.

 

 

 

忘記了這個是什麼湯, 好像是龍蝦湯, 但龍蝦肉只有一粒5毫子大, 湯偏咸, 好罐頭FEEL.

 

 

 

 

我們吃了FOIE GRAS.....大而唔好味, 唔夠熱, 唔香又煎得唔脆.

 

 

 

 

 

朋友叫了LAMB CHOP, OVERCOOK, 唔嫩唔JUICY.

 

 

我的爐魚, 魚身OK, 但真係無乜特別, 個汁好似金寶忌廉汁加D蘑菇.

甜品我揀了香橙CREME BRULEE, NOTHING SPECIAL

 

 

成篇食評我講得最多係"無乜特別, NOTHING SPECIAL", 我真係未試過食一餐飯可以失望成咁, 連朋友都估唔到. 係唔係希望越大, 失望越大呢?? 講真, 連埋加一差不多1千蚊一位, 都唔係普通價錢. 就算米芝蓮幾多星都係咁話啦..我寧願比多少少錢去CAPRICE或PETRUS食都一定好味D, PRESENTATION靚D, 又靚VIEW. 今餐, 我覺得我可以煮得好味過佢. 真係唔好意思, 累朋友都枉花了1千大元! 喊!!! 我只想講, 成餐飯最好味係片法包, 咁就死得啦 >_<



 

 

寫在2013末.....

2013發生了很多事,

對我最大打擊, 一定是爸爸的突然離世, 就算到這一刻我仍然未能平伏心情. 就是因為自己後悔很多事都沒有及時做, 成日以為仲有好多時間. 原來生死是可以這樣突然. 縱使我是一個不合格的女兒, 自責都再沒有用. 所以自此之後一直鼓勵身邊的朋友要愛得及時, 不論是家人, 朋友. 有D事, 唔會等你有時間才發生.



另外一件事對我有莫大的打擊, 就是當我爸爸離世的時候, 同時給一位我以為是"好朋友"的人出賣. 錢固然之是一個ISSUE, 我亦沒有追問她點處理, 反正我並不是緊張D錢. 我自問沒對好做過一件對不起她的事, 但她可以在我極傷心的時候出賣我. 一個普通朋友尚且都唔會咁冷血, 竟然一個我推心至腹的人可以咁對我. 那個時候我差點得了抑鬱症, 因為我一直唔相信佢會咁做. 幸好老公一直開解我, 說連他都看漏了眼睇錯人. 我仲蠢到以為她有什麼苦衷, 或我講錯了什麼話令她想錯了,原來只是我笨.

我給了她半年時間, 希望她會給我一個合理的解釋. 當然人家沒有做, 絕情得可以. 連豬仔都分析給我聽, 話人地根本不珍惜大家的友情, 我何必還死抓著? 7個月時間已過, 我應該要放下, 更提醒自已要小心帶眼識人. 人, 有時可以扮到好INNOCENT, 好可怕. 人在做天在看, 我信因果.  OK , FILE CLOSED. 這個人再見不是朋友, 連唔覺意係街撞到都唔想.



2013年12月26日, YAHOO BLOG要關閉了. 開始時都不相信連YAHOO都要執笠?? 不相信都要, 始終是事實. 由PANIC到要計劃搬地方, 真係好煩. 這個過程令我下定決心要做好一次, 搬去自己的地方(www.happycdou.com/blog).

這麼多年, 都叫做累積了120萬人次, 比上不足, 比下有餘, 做好自己.

2014年是另一個好CRITICAL的一年. 希望一家人齊齊整整, 開開心心.

Sassou青春再生精華 Cell Renewal Serum 用後分享

首先好多謝Sassou的老板娘Connie和Marketing Manager Jolin邀請我參加Sassou的新產品發佈會. 雖然我不是什麼知名blogger, 但感謝她們一直對我的寵愛.

有看開我blog的朋友都知我已不接任何試用和寫文了. 我寧願自己花錢買來試. Sassou的老板娘很好, 知我懂我, 所以一直都是當我是朋友, 只邀請我來參與和見証, 並說不需要我寫BLOG分享. 亦有幸看著她們越做越好越成功, 亦是我願意花錢買來一用再用的品牌之一. 

2014年Sassou的重頭產品就是- Sassou青春再生精華 Cell Renewal Serum

這個Cell Renewal Serum 需於2014年1月1日才正式公開發售. 我可以先試為快了~


官方提供關於這產品資料如下 :

主要成份：

日本米糠油（玄米油）：由糙米的外層提取出來，含維他命E及蛋白質等，可供給肌膚水份及營養，亦有美白及抵制肌膚細胞老化的功效。當中的神經胺糖更可抑制黑色素生長，同時能保持肌膚濕潤丶淨白。

摩洛哥堅果油：其擁有超卓的護膚功效，能預防及減淡皺紋，抵禦面部乾燥問題丶並具有明顯補濕和鎖水功效，有效延緩肌膚衰老。揉合其他珍貴成份,研製成為有營養及滋潤度兼備之青春再生精華。

　

向日葵油：含維生素A，B，D，E及豐富的亞麻油酸，有助修護表皮受損，光澤肌膚，增強柔軟度。

角鯊烷：能抗氧化，預防乾燥及抵禦自由基，令肌膚有光澤。

歐洲椴花提取物：具有緊緻輪廓丶舒緩肌膚不適的功效。

荷荷巴油：是一種天然液體蠟，能補充肌膚水份，預防皺紋產生，軟化肌膚，有效預防粉刺。最適用於乾燥及問題肌膚，亦可以調節油脂分泌。


單看以上成份, 基本上已有齊可以解決女士在寒冬面對的問題 - 缺水，乾燥，敏感，暗啞。

功效:

- 有效地減淡皺紋
- 預防肌膚乾燥，緊緻肌膚及延緩衰老
- 具有明顯補濕及鎖水功效，能抵禦自由基，達至高度抗氧化
- 改善暗啞和色斑，使肌膚更有光澤。精華素亦有助修護受損的肌膚，舒緩肌膚過敏及發炎。

使用方法：可在晚間使用，每次使用一顆，把精華素從膠囊擠出，再塗於面及頸部位置，再輕柔地作打圈式向上按摩。

用後分享 : 

- 這個Cell Renewal Serum 是油底, 無色無味。

- 由於我是油精, 對油的接受性很高, 所以覺得沒什麼問題.

- 我自己的使用心得是，我會先用Sassou Shimmering Essence 打底 (這個是自費買的呀!!）

- 扭開擰開膠囊，在手掌心輕輕唧出來(小心飛到周圍都係!), 然後在面上用向上提升的手勢按摩1-2分鐘。由於不是乳液狀，所以你點按始終都會覺得有點油。雖然係油,但你不會覺得立，而且texture是好像絲一般的滑.


- 之後我會用Upgrade版的Gold Moisture Cream White Radiant+ (下圖右) on top再搽一層.升級版加了錦緞玫瑰精油，天竺葵精油和野薔薇果提取物，有效滋潤皮膚。Gold Moisture Cream 我不用多介紹了, 因為舊年我面皮勁甩皮時, Connie 立即給了一瓶叫我豪D用, 用幾次已救返我上唔到妝的面。其實我自己更愛Gold Moisturizer，但很多朋友都同我講太杰太潤似槳糊而不喜歡，但我自己卻超級喜歡晚上用.

- 唔用慣油的朋友,你必須要習慣每晚好似塊面好油咁去瞓，但當你見到第二朝早塊面滑到＂跣手＂你會覺得值得！第一次我用完，我真情係忍唔住摸自己塊面好多次。

- 第二個感覺是有彈性,但有彈性部份是起碼用上1星期以上你才會感覺到的分別。

-  另外一個發現，是我平時到下午都需要補一補粉，用了２個星期後，下午都沒有補妝，可能是由於皮膚都夠水份而沒有甩粉。

-  產品很好，只有一點對我來講有點不便，由於是膠囊狀，每次必須要用完一整粒。但其實我塊面真係用唔晒。監硬用又有點可惜也怕overdose. 另外由於這個原因，變了一個月要用一瓶(1瓶３０粒一個月份量), 相對來講一粒要$42.6 。(聽聞首批限量版一盒有40粒的，售完即止。40粒就好似抵好多 XD!!)

不得不提的是升級版的Gold Revital Mask Calm Plus+. 原本版其實我麻麻地Like個味，所以只用了一盒就算了。但今次升級版加了歐洲椴花提取物，加上金盞花提取物和洋甘菊, 味道大為吸引了很多！我習慣早晚都會敷mask（唔早晚敷我根本無可能用得晒我的存貨，就算早晚敷都只係略盡綿力，應該都係敷唔晒！）這個mask我多數晚上敷。前幾天我鼻敏感，不停狂流鼻水，令到鼻子紅紅。晚上用這個mask厚敷（其間是有點刺痛因為勁缺水）第二日鼻子已沒有紅。這mask每次一敷完，面都會超級滑！

有興趣多了解的朋友可以自行到Sassou官網查看或到其K11專門店試用, C竇並無得賣架~ ^_^

Derma Medream HA+B5 Aqua Booster Gel Masque 用後分享

 

 

 

今次介紹是Derma Medream HA+B5 Aqua Booster Gel Mask高滲玻尿酸 +泛醇活水導向凝膠膜



這面膜是30g 一包, 和之前的Swiss Advice的包裝設計一樣, 也是有蓋的, 用不完可以蓋上, 非常方便.

 

 

 

 

功效：極速補濕、改善粗糙、淡化乾紋、鎖緊水份、舒緩紅血絲

 

成份含有：
 

高濃度玻尿酸 : 具補濕之功能.

 

泛醇B5： 具有非常優異的保濕及滲透功效，促進傷口癒合，協助細胞新生。

鎖水PCA因子：迅速輸送肌膚所需成份，維持水嫩膚質。

甘露糖醇：排走死皮，令底層肌膚重生，達到皮膚再生功效。

水解蛋白：具有保濕及改善表層膚質的效果，為極佳的保濕護膚成份，可以讓膚質明亮透白。

 

用法：清潔面部後，取適量的高滲玻尿酸 +泛醇活水導向凝膠膜，均勻塗於面上待10-15分鍾或配合按摩手法輕輕打圈，待吸收後，用清水洗凈便可。

質地是CREAM GEL狀, 微香, 很舒服.

 

 

推開之後, 很水潤感.

 

 

 

 

我自己最開始試敷的時候, 天氣仍熱, 濕度亦正常. 但入冬後開始敷這種水份MASK, 開始時會感到有點吉吉地, 大概幾分鐘後這吉吉地的感覺會消失, 很可能是由於皮膚嚴重缺水. 因為敷CREAM MASK 的時候, 就不會有吉吉地的感覺, 因為或多或少含有不同油脂或香薰油的元素. 通常我自己會潔面後, 先用花水或TONER打底先才敷MASK, 我敷什麼MASK都會這樣做. 如果皮膚真的受不了或發紅, 就建議只用返CREAM MASK好了, 因為反映了你皮膚不適合.


可以先按摩1分鐘, 然後再等15分鐘左右就會乾透.

之後用清水洗淨即可. 敷完之後你會覺得塊面好滑, 都幾水. 一包用2-3次左右是足夠份量的. 有些空中小姐客人反映佢都幾好用. 帶去TRIP幾方便.




Derma Medream 共有4款的, 大家可以根據不同需要去選購~


- 八胜肽極速緊緻去紋凝膠膜 Timeless Lifting Youth Gel Masque
- 乳糖酸去斑換白光滑凝膠膜 Skin Brightening Power Gel Masque
- 高滲玻尿酸 +泛醇活水導向凝膠膜 HA+ B5 Aqua Booster Gel Masque (本文介紹是這款)
- CDM蘆薈防敏降紅水份凝膠膜

 

 

查詢 : 98305723 (C竇)

 

Swiss Advice - Milky White Brightening Gel Mask 牛奶乳清蛋白淡斑凝膠膜 - 用後分享

 

其實我真係覺得自己未緊貼潮流, 因為我其實入左呢個MASK一段時間, 有一天客人同我講, 我呢個MASK 羽翹有介紹過我都唔知, 傻下傻下. 入呢個貨, 其實係覺得以呢個價格有呢個質素我已覺得OK , 平平地粗用無妨!

講緊係Swiss Advice的 Milky White Brightening Gel Mask 牛奶乳清蛋白淡斑凝膠膜

 

 

 



 

吸引我的原因有三 :

 

1. Made In Switzerland (爛船點都有3根釘!!! )

2. 價錢實際

3. 另一個我喜歡佢的原因係包裝. 因為我測試過, 我一包可以用到5-6次, 由於佢有拎蓋, 方便用唔晒可以拎實蓋保存.

 

一包有30ml 份量.

 

 

 

 

 

產品說明 :

 

-牛奶配方, 性質溫和. 減淡乾紋, 細紋, 擊退黑色素, 改善暗啞膚色, 增加肌膚彈性, 具保濕舒緩之功效.



 

用法 :  

 

清潔面部後, 取牛奶乳清蛋白淡斑凝膠膜 於面上敷10-15分鐘或配合按摩手法輕輕打圈待吸收後, 用清水洗淨再作日常護理即可

 

 

面膜是CREAM狀. 有少少牛奶味, 不算很騷.

 

 

  

喜歡的朋友可以再敷厚D.

 



 

 

而我, 通常就是開始鄭多燕時敷30-35分鐘才洗. 大家要衡量自己皮膚的狀況, 我得未必大家都得架~ 仲有, 最好避開眼位.

 

 

 

 

用後感 :

 

- 你問呢個MASK好定唔好? 我覺得apple to apple,  以呢個價格有呢個質素, 我絕對收貨. 

 

- 當然如果泊埋去其他大牌子, 當然仍有一段距離, 但我覺得以平價有呢個水準, 已可以還神.

 

- 由於我唔喜歡用PAPER MASK, 但呢個CREAM MASK的設計好好, 可以用幾次都密封, 讚!

 

- 保濕效果都OK滿意 (我是老女, 乾皮膚), 如果後生女應該夠有餘.

 

- 淡斑效果, 我未見到 因為我無乜斑. 而且淡斑是一世長遠的抗戰, 唔用過起碼一. 兩個月根本未知EFFECT, 但我其實單係當補濕MASK都已不錯. 淡斑是BONUS.

 

- 做完MASK起碼見到皮膚白左D, 有光潭!

 

 

 

 

敷完係有白左, 同埋有光澤左, 但係效果都係兩天左右. 呢個價錢, 我預左, 反正是幾蚊至10蚊內一次, 可以豪比佢.

TR90 男士見証篇 (第1-56天)

聲明 : 所有圖片沒有任何PHOTOSHOP修飾(由於本人唔識), 況且好多客都在店中見過我老公真人, 真的假不了, 假的真不了~



上次我的一篇TR90展覽了我的肚腩，應該巳驚動了全城而且非常震撼，對於我收藏肚腩的技術無不讚嘆！

由於我讓了老公先食TR90, 他巳食了差不多2個月，開始見到成效。

起初，佢的確有D抗拒。其實我唔介意佢肥，正如佢都唔介意我肥一様。我只係擔心佢身體健康，畢竟內臟脂肪有19都係好可怕的事。


由於我不想比壓力佢，所以我只定期叫佢覆磅，希望佢自律唔好偷偷食過量，一個月後其實佢巳習慣而且見到自己唔落磅會好氣憤並鞭策自己。所以我唔建議老婆/女友未得男方同意就買比佢叫佢減，因為畢竟要3個月的commitment, 係要得到男人的自發性配合才會有成績.


好多客人問我, 點解我從不POST D TR90相片出來. 我話如果你想睇, 你上網SEARCH, 大把啦! 我一係唔POST, 一POST我只會POST我自己, 我老公和我的客人及朋友. 因為我只信自己, 我必須要自己經驗過, 才可真實告訴大家是什麼一回事, 需要注意些什麼. 我要求並不是要一個月瘦15-20磅, 因為我知道落磅越快, 反彈仲快. 我要求健康地瘦, 改變自己的飲食和生活, 從而得到一個長遠的結果可以KEEP住. 坊間太多相太神奇, 神奇到無法令我信. 我只是希望有一個合理的期望, 也會提醒我的客人不要有太過份不合實際的期望.



好了, 有圖有真相, 對嗎?? 首先我要多謝我老公肯犧牲色相陪我癲, 感激這無言的支持, 更勝千言萬語.

到目前為止, 佢只是減到11-12磅. 以佢無乜真正運動 (但有成日去巡廠行來行去, 都算有少少啦), 都算係咁. 而且由於佢長駐國內, 基本上飲食的確唔易清淡, 所以佢自己都在國內廠附近找了間港人開的茶餐廳泡制TR90餐比佢. 佢話當佢同老板講, 早上佢的早餐要有2隻烚蛋或淨煎蛋白(係茶餐廳要食恰蛋都係奇人奇事), 老板都已覺得呢條友咁古怪.  雖然佢希望目標係減到20磅, 但我解釋比佢知, 係脂肪肌肉比例決定你的身型而不是磅數. 咁我估佢減15磅應該無問題. 老公的背部好明顯薄左, 肚腩都細埋.



有一日佢同我講

- “老婆, 我個胸都好似細左”

- “細左米細左囉, 請問你要咁大個胸做乜?? 我個胸細左就有所謂姐, 你要大胸做乜???”  (比佢笑死!)

 

由肥美的豬腩變為半肥瘦, 其實佢已幾開心, 因為佢而家成日扮晒野話條褲好鬆! 其實瘦了2.5吋, 但視覺上都好似瘦左好多.

肚腩都可以縮埋扮瘦左, 但係腰線係無得扮了. 腰線是比較明顯得多了.

開始時的確對佢來講好辛苦, 因為覺得晚晚個肚好空虛唔夠飽, 尤其係冬天減真係好大挑戰, 我都有破戒幾次食多左, 心中好罪過唯有加刑罰跳鄭多燕.


食TR90的時候, 有部份人會放屁多左, 但是不臭的. 部份又可能成日覺得好易個人好熱. 這些都是正常反應, 不用擔心.

 

好多客問我究竟如果肯去做運動, 又究竟需唔需要買呢? 其實根本所有事都係無需要, 如果你只係想減5磅以內, 我勸佢地唔好浪費金錢, 你跑步+食少D+沒有甜品+晚上無沒澱粉質, 應該2-3個月一定瘦到. 問題我係想減十幾磅係又談何容易, 年紀大, 新陳代謝慢, 每年增磅是預料之內. 所以我成日覺得, 如果我今次成功, 我會好小心翼翼飲食份量, 一定KEEP住個身型. 



老公現在更小心飲食,自己會減食量. 不論佢瘦多少對我講無所謂, 我只關注佢身體狀況多一點. 佢現在好開心, 同我講覺得自己個人輕鬆左, 精神左, 呢D都係好事.


舊文關於女士篇可以參巧 :　http://happycdou.com/blog/?p=6645


另外, 我在FACEBOOK開了一個GROUP, 是專門介紹NUSKIN / PHARMANEX產品用法和分享。有興趣想多點了解的朋友歡迎加入該群組。日後C竇只會重點分享，　更多的分享會逐漸通過使用群組刊出，　該群組也會只由我去HOST.

** C-DOU Nuskin/Pharmanex Happy Sharing **

https://www.facebook.com/groups/201435200042248/


(只要按以上連結，再按加入JOIN即可）



好了, 分享到此. 下一次應該是男士TR90的結局篇了.



查詢或訂購 : 98305723 

** 真金白銀系列 - Skinine Silk Protein Soothing Mask 用後分享 **

 

忘記了幾時在團購網買了幾片這個MASK, 我見是9 BEAUTY都幾出名, 價錢又唔算好貴, 就訂來試試.

 

 

 

共有4款的, 包括 :

 

- CAVIAR CELL ACTIVATING MASK

- ARBUTIN WHITENING MASK

- SILK PROTEIN SOOTHING MASK

- ORGANIC ALOE MOISTURIZING MASK

 

 

 

 

 

 

 

 

今次我是先試了SILK PROTEIN SOOTHING MASK, 包裝內的精華很多, 而且TEXTURE都好"杰"

 

再自己上官網查資料, 得知這MASK是絲蛋白經由納米科技特別從蠶絲萃取出蠶絲蛋白, 另含有十八種胺基酸，其中胱胺酸有效防止黑色素形成，另外組胺酸有效避免紫外線的傷害。能有效補充肌膚組織彈性蛋白與膠原質的.

 

 

 

 

MASK紙質厚實, 唔會一拉就爛, 而且其實精華多到夠敷多一次! 更加喜歡佢的面膜紙SIZE夠大, 可以敷埋下巴位, 精華都多到係咁滴, 我搽左落頸位之後, 都要用TISSUE墊住,



 

 

 

這張相完全無PS, 的確用完有白淨左的感覺, 而家都幾潤同幾槳住塊面, 洗完面都有少少野罩住面的感覺, 唔知係唔係所講的蠶絲蛋白成份呢? 效果都維持到幾日的. PAPER MASK來講算係唔錯. 如果價格唔貴可以用得過呀~

 

 

 

 

 

 

 

 

以色列 Premier Aromatic Cleansing Facial Gel 用後分享

很久沒有寫過DEAD SEA PREMIER的產品了. 一來是因為他們都沒有太多新產品登場, 二來又可能是我入唔到貨, 就例如好似今次介紹呢支Aromatic Cleansing Facial gel. 之前一年多前, 一直只有香港總代理才有, 我問以色列方面, 佢地話無得比我. 終於等了年幾, 我才入到貨.


這支是香薰系列的CLEANSING GEL, 同系列還有EXFOLIATING SCRUB的. 都是125ML一支



包裝上雖然說可以卸妝, 但是我仍是會先用洗面奶先卸一次, 才用這CLEANSING GEL. 不徹底卸妝的後果我承擔不起. 起粒粒的後果很慘重.



唧很少份量已夠, 味道是很西柚加清香的蜜糖甜味, 很宜人. 我會好想亦有DESIRE等每天洗面這一刻的, 因為我好鐘意呢個香味, 好FRESH又SWEET!



由於這支CLEANSING GEL 有SODIUM LAURETH SULFATE的成份, 所以都會可以有少量起泡. 再看看成份, 也含有GLYCERIN (甘油), DEAD SEA MINERAL MUD & WATER, JOJOBA OIL, BERGAMOT EXTRACT, BITTER ORANGE OIL, 難怪咁香橙西柚味.



相對於同品牌的MICROGRAINS CLEANSER, MIRCOGRAINS CLEANSER我感覺用完比呢個滋潤少少, 也可能是由於天氣已轉冷的關係, 加上我DOUBLE CLEANSING. 但請放心, 其實不會令你覺得乾的.

值得注意的事, 瓶身有寫上Laboratory manufactured under health department license by Dead Sea Premier Cosmetics Laboratories Ltd, Controlled by a research institute – Europe. 不知是否以色列國家規定, 現在多了以色列的品牌都有呢D字眼, 有些更要印上由邊個PROFESSOR監察. 雖然我地都係唔識佢, 但感覺上好似有安全感~

TR90誌 第一回 (第1-14天)

呢篇絕對係趕客之作, 好驚呢篇文出街後, FB走了一半FANS!!!

其實我從來都話自己肥、只不過無人信！因為我手腳好瘦，基本上全世界都有幻像係覺得我好瘦！如果我唔係自己係代言人，我應該未必會正視我的中央肥胖。

由於坊間太多amazing 的相片，我見到有些圖10日巳有6舊腹肌！可惜咁神奇的事並未發生係我身上，看來我仍需努力些。所以為了給大家一個正常的期望，我決定犠牲色相，相片極之嘔心，

TR90套裝包括什麼不再多講，大家可參考我的舊文。
http://cindychowbb.blogspot.hk/2013/09/tr90.html


大中華版、中國版和美國版食法略有分別，但也大同小異。也建議大家看我之前寫過的一篇「減肥要知的二三事」，以建立一個正確的減肥概念。

http://cindychowbb.blogspot.hk/2013/09/blog-post_16.html



傳統的減肥方法或概念都係抑制食慾/減少食量和只飲奶粉。這方法的確可以短期間很快見效，但對於愛吃的人是很痛苦，無錯係減到, 但一食返正常份量就立即體重反彈，因減了脂肪但也減了肌肉，肌肉消耗卡路里比脂肪快5倍，所以少了肌肉並不是好事。我成日都講, 是脂肪決定體型而並不是磅數, 大家係介意體型肥胖而不是介意重, 如果你係200磅但係林志玲咁O既外型, 你仲會唔會介意先?? 下圖的女士磅數是一樣, 但體肪的高低形成了外型的分別.




男士更加大分別, 因為他們脂肪都是比女性少.




TR90的理論和科技是站於「減脂建肌」，而且懂得辨識肥胖因子在身體那個部位就先減那部位。好似我和老公都係肥係肚腩和厚背，果然係先係呢2部份瘦。


 先講下頭2星期的感覺和反應：

- 頭14日飲jump start 後，身體温度好像高了，就似做完運動果種熱感。由於我唔鐘意JUMPSTART無味, 我加了SPLASH C with Aloe, 即刻好味好多~!



- 排便次數多左（但並不是攪肚痛那種）以前一天一次，現在是一天兩至三次。

- 我本人的早餐份量都巳不少，但TR90的早餐更宏偉！盡量食真正的肉, 減少食火腿, 午餐肉等. 以下的早餐我基本上一個星期有3次在大X活食, 我仲要食多個蘋果, 咖啡只飲半杯走糖.  記得早午兩餐前食TEGREEN, FIT & CONTROL各2粒.




另外有一日有閒情就係屋企整左XX碼頭的水餃加菜做早餐~




我份人比較懶同簡單, 不加思考乖乖地跟足份量就算了。有些客人疑問點解減肥要食咁多野，怕似增肥多D，所以私下沒跟足。另外好多時大家只找人買了套TR90,但沒有人跟你的進度，更慘的是教錯食法，我有D客不是找我買，但完全食唔到效果，又教錯佢地。基本食TR90係減得開開心心，精精神神，完全不會頭暈手震，而且我皮膚仲好左！（因排得毒多！）





午餐都好多選擇架, 我鐘意去RUBY TUESDAY食呢個CHICKEN WRAP, 好好味~ 又有少少牛油果.




呢個又係RUBY TUESDAY的, TERIYAKI CHICKEN 超好味, 意粉我無食晒, 因為我唔中意白汁, 食完之後再加多盒YOGART, 飽到hihi!!




午餐其實都可以去飲茶, 只不過自己分拆計返好應食的份量, 蝦餃燒賣都可以, 切雞飯又得, 油菜又可. 春卷炸物少吃D啦~


至於晚餐呢?? 食飯先飲TRIM SHAKE, 之後只吃肉和菜. 呢份扒已是男士的份量.




晚餐走粟米即成 (其實都係得一小匙)




其實我每天都懷著好開心的心態去減肥, 被逼做一件事和享受做一件事, 效果是差很遠. 可以跟得足的話就盡量跟, 只要不過份是可以接近的. 所以大家仍會見到我在減著肥地享受著美食!
好了, 大家睇了咁耐, 終於到戲肉, 我獻醜受死了……….

我沒有脹肚子或收腹, 以正常呼吸時拍照沒取巧, 真真實實的記錄.

首先我絕對覺得大家開始食TR90前, 真係應該要先影相keep reference, 一來真係好有警惕同阻嚇自己的作用！二來, 磅數未必完全反映線條的改變, 最好每15-30天一定要影一次, 看著自己的變化或那裡未達標.

11月1日量度時, 我真係晴天霹靂, 竟然有33吋!!! 以肚臍位量比較好. 我只可以說難以置信!
11月14日量度時仍然有31吋, 但都見返少少腰線, 不再是”直不甩”!!!




其實比較明顯是肚腩平伏左, 無再咁突出~ 有客人係第8日見到我時都好眼利見到我肚子平左, 腰無咁粗壯.




背部的腰線比較明顯D,




但我最開心係我背脊薄左, 呢個係我夢寐以求的事, 因為我一直係虎背熊腰, 只係我用衣著掩飾得完美無瑕, 大家一直以為我好瘦.




我已購買了體脂磅以監查自己和客人的進度, 所以歡迎我的客人每2-3星期上來覆磅一次. 9天的成績，我完全「0」運動，磅數雖然重了，但體脂和皮下脂肪都跌了，肌肉增加左。我知道是肌肉offset了脂肪，所以我不介意重了區區的0.2kg.





好了, 革命尚未成功, 同志仍需努力.  過多 2-3星期我再分享一下成績和其他資料~

** 希望大家喜歡我的分享 **