山林道搵食 - BBQ 70/80

唔係講笑，其實我個舗附近有好多美食地方。就在我舖樓下巳有有兩間，今次先介紹韓焼BBQ70/80. 呢間鋪我睇住佢裝修，後來才知原來係好多DJ愛去的地方。

其實每晚我放工的時候，見到每次樓下都企着一大堆人在等位。我心諗有無咁巴閉呀？所以前兩天跟好友慶祝生日就決定揀這一個地方因為很近我的店，30秒到！

到之前有做過資料搜集。知道這間韓燒是走懷舊韓式大排檔路線，門口便有張東健的一張海報。上到2樓時，果然裝修是很有特色，古老當時興！(由於我坐近樓梯門口無乜景, 又唔好意思走埋去人地張檯影相, 檯與檯之間其實唔多空位)

 

 

 

值得一讚的是，由於每張枱細空間的不多，正常我們去酒樓吃晚飯時，都會把手袋放在另一張椅上。但這𥚃把油桶改裝成櫈，手袋雜物全部放進桶內，又方便又可以避免衣物吸燒烤味，這個設計我是非常欣賞！

 

首先她們送上一碗不知名的東西和一個醬料。醬料由有很多洋蔥和wasabi造成。另 一碗冰水的物體，我和好友研究了很久，似湯非湯, 又唔似係汁, 朋友話應該係燒完D野放入去食, 都不知道是甚麼，所以硬着頭皮問人。謎底最後解開，竟然是一碗冰湯, 我地2個笑到碌地~ !! 我開始飲時很奇怪，因為酸酸地, 飲飲下又幾好味。

店內有幾位侍應都是韓國人，有一位仲OK靚仔，所以我就找他幫我寫菜。可能因為佢太靚仔，我掛住望佢而點錯餸，竟然拿了碟牛肉來（由於我巳戒吃牛）所以要換過。


店內的食物其實都OK，但更吸引我的是那年輕感覺的氣氛！店內大聲播著我喜歡的韓國歌曲，雖然我不懂韓文但也比輕鬆氣氛感染了、覺得自己都後生左！此仍用錢都買不到的開心！

 

 

 

店內其實最出名的菜是豬皮，因為不論你到韓國本土大街或香港的韓燒店，基本上是很難得有這道菜吃，因為是韓國的低下層或大排檔才可以見到。所以雖然今次只有兩個人吃飯我也叫了一碟試。

首先我覺得這豬皮其實必須要起碼有時八個人晚飯才好叫，其次就是飲住酒吹水食。因為這個豬皮原來剪開後份量頗大，由於全部是脂肪，基本上每個人只吃10粒都覺得膩了，一邊吃一邊在阿彌陀佛、罪過罪過！雖然建議沾上黃豆粉吃，但由於不論豬皮或黃豆粉都是沒味道，所以我還是寧願沾辣醬吃！

 總括而言，如果不要碟豬皮，人均消費約$150-$200，我覺得也很合情合理，雖然食完真係成身都燒烤味, 真係要沖完涼洗2次頭先散到D味, 但我下次還會再去見下韓國靚仔！