** 屯門搵食 - 用心好吃的金龍泉**

母后早於2星期前話要我們入屯門食飯, 話呢個地方係我老弟舉腳推薦的, 已介紹好多同事去食, 所以我們一定要去試, 母后說今晚是吃海鮮餐.


去到才知是一間茶餐廳, 我還以為是酒家酒樓. 我呢D為食精, 當然一點都不介意, 最緊要有好野食. 由於母后和老板熟, 我們是訂了一個10人套餐的半份加1位, 仲要"略為" 更改人家的餐牌..>_<.

本來沒有什麼期望, 但第一個湯已叫我驚訝, 但忘記拍照, 是魚肚海鮮, 我可以告訴你比很多酒樓酒店都高水準.

因為之前一晚我去了W HOTEL的中菜廳"星宴"食飯, 星宴都算係出名啦, 但真係超級把鬼又唔好食又貴. 我真係未試過去酒店食可以咁差. 尤其他們的蛋白杏仁茶, 賣相超似嘔吐物, 睇見都唔開胃!!

好了, 頭啖湯咁好味, 開始有D期望了.  來了豉油王大蝦, 蝦好彈牙味道好好但我略嫌太多汁. 如果乾身D少D汁更好.

 

原本的套餐是石斑, 母后加錢改了龍躉兩味. 炒球不錯魚新鮮. 我好SURPRISE佢地加埋白果去炒之餘, 連伴碟都有PRESENTATION架, 好感動!! 如果係酒店我EXPECT呢個係必須, 但大佬呀, 我地係茶餐廳食緊呀, 呢D誠意已加晒分!!! 我同老公講, 我有理由相信個大廚係酒店出黎的!

 

 

燒味拼盆好食過星宴好多好多, 原來佢地自己有工場.

呢個小炒王又係好正, 送酒一流火候又夠, 有炸小魚, 尤魚鬚, 九菜花, 菜甫絲, 少少辣, 食到停唔到口.

 

 

 

豉汁聖子, 新鮮!!

 

 

 

蒜蓉粉絲蒸帶子, 呢6隻就算自己係街市買都百幾蚊無得走雞, 好大隻!

 



 

本來已好飽, 但這個乳鴿, 真係好食過沙田龍華好多, JUICY又嫩, 唔係翻炸, 水準之作.

 

 

 

本來跟餐有個炒E麵, 但因為無晒麵, 幫我地改泡飯. 我已話我食唔落啦, 泡飯又拎唔到走, 不如唔好要啦. 母后話唔好啦, 呢個鴛鴦米泡飯一定要食架.........好在, 聽阿媽話!!!!

 

一拎出黎已經唔得了, 湯底雪白, 之後老板放了一碟炸香的米飯焦去熱湯, "炸"一聲, 出煙!!

 

 

 

 

湯底甜到不得了, 有好多鮮魚塊, 彈牙大蝦, 勝瓜, 我話飽話飽又食左2碗 (今次大鑊了, 食大左咁多!!!)  由於湯凍了少少之後, 湯面起了一層膠質, 所以都幾肯定是魚湯底.

 

 

 

好了. 講左咁耐. 大家一定好想知係邊度同食左幾多錢. 套褻原本$1488/10人用. 沒加一沒茶芥. 但由於我地加左人頭又改左MENU (正常唔可以改架), 最後我地埋單係$870. 我老公找完數, 出了門口, 我問幾錢, 發現好似計少左(因為有叫了其他野), 即返轉頭問老板有無收少錢, 有的話我地比返. 老板笑笑口話無呀.啱架啦.

 

 

呢D套餐要預訂, 佢地有樓上大房可以包房食的.  人多去都OK架. 老板好好人, 成日笑笑口的.

 

 

我唔識老板, 都係第一次見佢. 但我完全覺得佢好用心經營, 小店生意難做, 街坊生意而已, 只希望支持下佢, 亦介紹比大家食好野. 而家去SPAGHETTI HOUSE唔知食左乜都2舊水一位, 呢度,我夠膽講, 我比$200去食, 我都覺得自己有賺, 我抵晒!!

 

 

地址 : 屯門鄉事會路28-38號冠興樓地下 (即V CITY 對面) ( TEL : 2865 9628)

韓遊點滴行 2014 (PART 1)

今次呢個TRIP係同我死黨PLAN左大半年先成行, 大家都一把年紀, 講明唔要辛苦唔要早機唔要行程. 如果大家諗住我會介紹首爾的SHOPPING點, 真係抱歉因為我係呢度真係無乜買野.

呢篇BLOG差點唔寫, 因為懶下懶下好多野唔記得左 XD. 但原來好多客人都追問係唔係佢地MISS左未睇, 點解唔見有寫, 所以都係要拿拿聲完成埋佢. 今次我係唔會跟日期寫, 反而只係寫點滴, 去記下我覺得美好的事.

最多客人問我的就係我住係邊. 我其實住在泓大區的Color in Seoul. 大家可以上網找他們. 由機場去和返都非常方便, 車站就在民宿下面, 如果大家會買好多野而要搭地鐵走, 你會後悔死, 因為好多地鐵站上地面都無電梯. 機場巴士是最好的選擇. Color in Seoul 唔係平, 但地方大, 舒服, 後生仔女住呢度就方便有NIGHT LIFE, 泓大果邊好熱鬧又有DISCO.

 

房間的夜景好靚, 無得輸!

 

 

 

有一天去了昌德宮, 這裡有部份地區已被封為受保護歷史遺物. 這裡我覺得都值得一看. 尤其我睇完韓國古裝劇後, 特別有FEEL.

 

 

我推介大家去參加導賞團去看SECRET GARDEN (歷史文化遺產) , 會有講普通話的導遊介紹, 生動和了解多一點. 原來古代的皇帝真係瞓木地板, 同睇韓劇差唔多.

 

呢個叫永生門, 是由原塊石雕出來, 傳說穿過此門得永生.

 

 

昌德宮是古代皇帝休閒之地, 地方很大, 環境好靚, 一年四季景色分明. 導遊給我們看她手機拍到這個地點的季節景色, 秋天有楓葉看, 又黃又紅又橙又綠, 冬天有雪, 漂亮到已打算自己去看一次 ! 這是明年之計劃, 打算一個人去慢慢周圍逛...

 

 

 

走的時候, 無意中見到有住宅的天台真係有整麵豉的器皿在天台!

 

 

之後, 行上山到梨花壁畫村. 梨花壁畫村坐落於駱山公園下，是韓劇《屋塔房王世子》中，王世子與朴荷約會的地方. 沿路行上去見到這機器人路燈. 駱山公園那邊也很多人踏單車, 應該沿路風景很美.

我最愛這張...^_^

 

3D 美術館是地標, 不是不去吧?? 我應該好多年無咁HIGH過擺咁多POSE影相, 難得又有我的至愛陪我一齊癲!

 

 

 

 

 

其實我地兩條友, 真係好HEA, 每日都無PLAN行程, 睇天氣心情而定, 最緊要食得好, 瞓得好, 真正的放鬆. 我地無乜SHOPPING, 反而成日坐底飲咖啡抖下. 兩條友就算唔講野1個鐘大家齋坐對望都唔會悶唔會覺得生外, 呢D真係我地幾十年的交情和體諒我份人好EMOTION的朋友才可以頂得我住.

 

 

今次重頭戲之一係打算做SPA. 我們揀了JW SPA 比較出名. 位於江南區地段. 到新論峴站4號出口.直行10-15分鐘到大十字口路口轉右就見.

 

 

 

 

店內環境如大部份的SPA一樣, 舒服, SERVICE貼心.

 

建議先預約, 我們BOOK了做BAMBOO THERAPY, 包括任選做JACUZZI或足浴, 另外90分鐘MASSAGE, 可以自選按摩油.

收費約每人連服務費HK$1600左右. 我老友話我一開始按已瞓到死豬一樣......This is what I called RELAX!!

按完有TEA同CAKE食..不過我唔明點解得一件囉...>_<

 

待續.....韓遊點滴食 2014

 

** 要靚也要命 - 安全染髮 Tint of Nature - 真金白銀產品介紹 **

這個產品, 也可歸入真金白銀系列, 因為我當初是自己用完覺得好才入貨.


由於我遺傳天生白髪，每個月必須染髮，但我好討厭在HAIR SALON 攪幾粒鐘, 而且由於知道有朋友頭皮有皮膚癌，所以我好醒覺要小心選用. 

試過好多天然染髮劑HENNA要開粉，我試過幾次, 一路染一路媽媽聲, 因為第一, 開HENNA粉的水份量要很準確, 否則太水會滴到一身到係, 太杰又一團粉咁, 根本搽不到上頭. 而且次次攪到地下一地都係, 而且我仲係長頭髮, 麻煩程度達十級以上！用了2次之後, 逼於無奈要用返CHEMICAL, 因為天然HENNA, 攪了我2個鐘都算, 係唔可以完全覆蓋到白頭髮 !!! 咁即係徙氣加徙我時間!!!! (極想爆粗!!!)

我用過Tint of Nature之後，愛上其方便！

 

 

產品介紹 :

 

Made in UK, 產品有不少於60%成份是用認証天然有機成份的.

 

不含 Ammonia, Rescinol, Parabens. 可覆蓋灰白髮。

含有Orange(橘子), Aloe(蘆薈), Comfrey(紫草), Grapefruit (西柚)  和Chamomile (洋甘菊).

(不要問我橙, 西柚, 洋甘菊點解可以染髮, 我唔知..哈哈!!!)

 

- ** 這個是孕婦也可以使用 **

- 染髮時間約30-35分鐘，嚴重白髮則最多40分鐘

- 由於是由Color Gel 混合 Color Fix 一齊用，如果混合了的gel用不完，建議棄掉，因為混合物會氧化

- 說明書註明，如果是補染頂部頭髪是可以的，但是要用另一個器皿自己mix Color Fix & Color Gel (分量我估按比例，如果家中有磅更理想，一盒分2次用）...

- 短髮人士或可自行分2次用看看夠不夠，記得不要一次過mix曬2支gel!

- 先用盒中clarifiying Shampoo（深層洗髮露）洗頭，染髮後用白色那2包Shampoo & conditioner 過水。

 



 



 

 

 

 

我自己通常用4M, 啡底但燈光下有小小紅, 低調得來有D野睇~ ^_^

 

 

2N 比3N再深啡多一點.

4CH是朱古力色.

C竇有售， 查詢訂購：9830 5723 Cindy

Derma Medream Royal Deluxe Intensive Youth Serum 蜂皇膠嫩肌細緻毛孔精華要素 - 產品介紹

 

毛孔呢家野, 易大難收細 >_<

 

我的皮膚很麻煩, T ZONE油, 面乾. 尤其鼻翼兩旁, 眼肚以下位置, 毛孔粗大. 敷SOUR CHERRY MASK是有效, 但由於並非日日咁乖, 而且我家有千千萬萬的MASK等我寵幸, 所以只有密敷時才鎮伏到粗大的毛孔.



 

以我多年的自殘經驗, 我想給後生女一點忠告. 皮膚毛孔真係要由年輕開始保養, 一粗了真係好難回復原狀. 我起步比較遲, 現在知死了, 所以希望大家尚年青仲有得救時, 好好打理. 尤其問題皮膚, 小心揀產品.

 

好了, 回歸正題. 我一直以為我的毛孔應該會一世粗大無希望了. 直至最近主力用過Derma Medream 這收毛孔精華, 我的確見到了改善.

 

 

 

 

** 產品資料 **

Derma Medream Royal Deluxe Intensive Youth Serum 蜂皇膠嫩肌細緻毛孔精華要素  30ml

 

活躍成分:

蜂皇膠,蘆薈葉精華,蜀錦葵萃取液,歐前胡葉精華,水解核糖核酸(HYDROLYZED R.N.A),水解脫氧核糖核(HYDROLYZED D.N.A),鳶尾根萃取,維生素B3,紅藻萃取液。

 

功效:

使肌膚高度白滑光潤丶預防幼紋丶極速細緻毛孔丶提升肌膚彈性丶強化肌膚吸收力丶減少粉刺形成。

 

- 蜂皇膠：使肌膚底層大量吸收20多種胺基酸及16種以上的維生素成份-深層導入肌膚深層，使肌膚柔嫩有光澤，並有效極速細緻毛孔。

 

- 蘆薈葉精華： 補濕及癒合傷口功效，特別適合彩光丶微針丶激光丶煥膚療程後使用。

 

- 蜀錦葵萃取液：保溫，有助加速細胞生長，有高度滲透之用。



- 歐前胡葉精華：抗氧化與嫩白作用丶淡化表情紋及具舒緩作用。

- 水解核糖核酸(HYDROLYZED R.N.A)

蘊含多種生機元素，具極高保溫功能，增加皮膚的彈性，祛除皺紋，刺激細胞再生，強化細胞自我修護能力，防止肌膚脫水丶減慢皮膚老化。

 

- 水解脫氧核糖核(HYDROLYZED D.N.A)

對抗肌膚老化嶄新科技，植物光合酵素能修護肌膚受到的傷害，特殊的微囊科技將有效成分傳達到每吋肌膚，獲得最佳的滋潤護膚功效。

 

 



- 紅藻萃取液：含豐富三十種的微量元素，不僅能促進皮膚老廢角質層的剝落，同時協同彈力蛋白的作用，具有抗氧老化的功效。

 

 
這精華是水+GEL 狀態. 我自己每次用2-3 PUMP.

 

 

打圈按摩災區一下, 等其吸收才再搽其他精華. (因為我一晚要搽4-5種不同的精華呢!!) 通常我會在TONER之後先搽這個打底.

 

 

 

這個我已開了第2支用, 其實用了20日左右, 我已察覺毛孔粗大是有改善, 你話完全做到無毛孔就不可以, 但的確見到有功效. 平時下午鼻翼兩旁,因為又乾又油又掉妝, 所以會見到毛孔出來SAY HELLO. 用了個多月後, 情況有明顯的改善.

 

 

如果有和我同樣毛孔粗大問題的朋友, 絕對可以一試, 對於這收毛孔精華, 係我未找到更好的代替品前, 它一定是我的至愛了.

 

查詢訂購 : C竇