奇聞

話說有一客新客人到我店，話塊面好乾。咁我循例問一下佢用什麼護膚品同問佢有冇用保濕精華。佢話有呀，係醫學品牌。咁我問她是什麼名字。幸好她有拍照。

我一看，Face sculpture serum!!!??? 我問呢支係保濕serum ? 她說BA 姐姐介紹佢對係咁講。我再看一看樽身說明，不論中英文都好像沒提過是補濕。大佬，明明係一枝firming serum, 竟然話比個客知係補濕serum?? 我心中xyz, 覺得那位BA亂噏24，非常冇product info knowledge. 唔需要記得所有成份，但最低限度都要分到邊支打邊支的功效呀！客人你因為相信你的專業才去買。

我同客人講，難怪你搽極呢支serum 都乾啦 。這件事更令我覺得我唔請人，只由自己坐店的決定是正確。我唔想做壞自己招牌、寧願繼續做我的蚊型店好了。