今日我無打算介紹任何產品而係分析咁多年經驗和一些老生常談。
每個人面對嘅皮膚問題都有所不同。有些覺得自己皺紋很多、有些覺得面部下垂、有些暗瘡很多、有些油脂粒佈滿面。
解決問題都系要針對性。雖然大家都買同一個牌子，但係啱你用未必啱我用，當然都係要試過先知。我明白市場上太多牌子嘅選擇，女士們聽到人話好又買黎試其實都好正常。
歸根究底我成日同客人講，想要可皮膚清潔必須做得好。你究竟有冇用足夠時間去洗面呢？我粗略調查估計大部份95個%女士洗面只用15至30秒。空氣污染加上油脂分泌加上化妝嘅殘餘物，你覺得15至30秒究竟足唔足夠？
所以第一個夠，係時間夠唔夠！洗面真係最少要有3分鐘以上。
另外一個有趣嘅情況就係我嘅調查發現客人搽晒toner , serum , cream 都係不用30秒! 秒速呀！
有啲產品係真係需要按摩手勢配合先係用到效果，就咁係咁意搽當然亦唔會有什麼成效。我嘅心得係當你真係要搽serum 同cream嘅時候用點心按摩，用好好享受的心情，咁效果會更加好。cream都係要用足夠嘅時間去搽至得到功效。
第三個夠就係份量夠唔夠。我有一個朋友雖然已接近40歲但係皮膚好到白裏透紅無紋零毛孔。有一日同佢分享扮靚心得我講起用cream嘅份量.我自己大概係三粒米的size。但係佢竟然同我講佢係用最少三至四陪我嘅份量。我問佢你唔覺得好立而且份量太多嗎？佢嘅回答係如果你嘅產品好其實滲透力係好快吸收.慢慢係面到按摩你會見到自己嘅細紋越來越少。這一句當頭棒喝自此之後我都用多咗cream去按摩面。慳用不如唔好用，反正錢用咗但係亦都無效。當然大前提係視乎你隻cream的質素同油份重不重。
有啲客係我美容院度都做咗差不多一年Facial了。我發覺Facial就好似補品一樣並不能天天吃。但如果能keep住日日用優質的護膚品，其實你會更加見到皮膚的改善。
想想你自己這三夠做得足嗎？
沒有留言:
發佈留言