睡寶寶能量美白保濕面膜多用途分享

自從開始了我的RF 4D 十大滿清酷形Facial之後, 的確輪廓是有改善，但每次感覺好似塊面拎去烤乾一樣，同時乾到無朋友同爆粒粒。

現在我每日必須敷補濕gel mask, 最常用是Avantia睡寶寶sleeping mask + 幾滴Skin Perfection的原液，有時係100%透明質酸，有時係透明質酸+KGF, 或100% Squalene. 效果不錯的，救得幾多得幾多！

如果同時有呢2個產品在家的朋友可以試下！

Avantia睡寶寶mask 是透明啫喱, Gel狀，有微香。

其實睡寶寶的用處有很多種：

1．  它可以直接是一個overnight sleep mask. 當夜晚搽完自己所有的護膚品后，再在上面搽一層睡寶寶做睡眠mask.

2．  如果是當做急救用，可以在化妝前十分鐘，將睡寶寶敷在毛孔大的位置，然後化妝；或者全面敷十分鐘，上妝是會好貼的。如果用Avantia水因子打底，效果會更加好。

3．  它也可以是一個清潔毛孔的mask.方法是將睡寶寶sleeping mask + 幾滴Skin Perfection的100%透明質酸 + 摩爾泥。摩爾泥有殺菌消毒和收暗粒的作用。我經常同阿仔敷這個mask，因為他的額頭的粒粒比較多。敷完之后，塊面是好滑和有光澤，和粒粒都會見到收斂左。

睡寶寶mask的主要成份有：天然透明質酸丶氨基酸丶甲硫氨酸丶冰氨酸丶左旋C精華，尿囊素等。

它的功效包括：可以減少和淡化黑色素，促進防皺丶抗衰老及美白，促使皮膚增加自身的保濕能力。

適合任何膚質，可每晚睡前使用。如皮膚極乾，極敏感膚質，可厚厚搽上具有修補功效。

Lunch @ Bread Street

今日我和朋友去Bread Street呢間餐廳食飯。呢間餐廳點解會出名，引起人注意呢？是因為餐廳是那個廚神Gordon Ramsay拍著一個法國大廚一起開的，這個法國大廚幫過不少餐廳取得星級米芝蓮的榮耀。 餐廳是走貨倉式路線，懷舊+現代式的設計。



我今日去仍是SOFT OPENING，正式營業時間是9月19號。現在是Pre-launch的形式，在餐牌上，連咖啡和甜品都不serve.


第一個starter, 我選的是seared scallop. 這個scallop對我來說有小小失望。它的底是用紅蘿白蓉磨成，加小小牛油，然后煎香個scallop. 沒什么特別！


另外一個starter, 我選左Potted beef brisket. 我覺得幾好食好似PIZZA咁，它是用buckwheat和芝士去做，口感脆和薄，加上PESTO SAUCE 味道好match, 好好食。




因為只有我和朋友兩個人，所以主菜我們選了兩個。 第一個是battered cod fish + chips. 簡單來講是炸魚加薯條。因為Bread Street主要是做English European food. 但問心, 薯條比魚好吃..





但系因為餐廳的侍應自己都還不熟悉自己的menu, 也不熟悉table arrangement, 他們將我們隔離臺的菜放左在我們臺，而我們又沒為意不知道吃左。所以我們吃的第二個主菜，就是這個steamed snapper. 其實呢個snapper做到很得意，當然它亦都是鬼佬的做法PAN FRY, 味道是沒什么味道，都系得個原味。底下的我開頭以為是椰菜絲，但其實不是椰菜絲。它是用洋蔥切到好細而好似椰菜絲，味道是好咸呀。上面還有少少硯肉，魚和洋蔥絲都是煮到好腍，要兩樣mix在一起吃才能中和到，才不會甘咸，感覺幾得意。




最尾上來的一個是slow roosted pork belly， 這個是他們餐廳的主打。其實這個菜的口感就好似我們中國人的燒腩仔，但是呢就的皮就其咸無比，簡直咸到阿媽都唔認得。不過下邊的肉好腍好腍，你會覺得腍到好似是‘霉’左一樣，一撥開好像融化左一樣，口感是好得意。它配的是酸酸甜甜的蘋果，中和超級無敵咸的脆皮。如果齋吃皮，咸到好難頂。但mix肉一齊吃，我覺得如果拿送飯會比較合配。我覺得這個pork belly都可值得一試。




正如我所講，因為現在是試業期間，連咖啡茶呀什麼都沒有，甜品亦都不設。 希望在9月19號正式營業上軌道後，侍應對餐牌也熟悉后-雖然他們的操練時間不會很多，應該會有很多人慕名而來！

** 屯門搵食 - 用心好吃的金龍泉**

母后早於2星期前話要我們入屯門食飯, 話呢個地方係我老弟舉腳推薦的, 已介紹好多同事去食, 所以我們一定要去試, 母后說今晚是吃海鮮餐.


去到才知是一間茶餐廳, 我還以為是酒家酒樓. 我呢D為食精, 當然一點都不介意, 最緊要有好野食. 由於母后和老板熟, 我們是訂了一個10人套餐的半份加1位, 仲要"略為" 更改人家的餐牌..>_<.

本來沒有什麼期望, 但第一個湯已叫我驚訝, 但忘記拍照, 是魚肚海鮮, 我可以告訴你比很多酒樓酒店都高水準.

因為之前一晚我去了W HOTEL的中菜廳"星宴"食飯, 星宴都算係出名啦, 但真係超級把鬼又唔好食又貴. 我真係未試過去酒店食可以咁差. 尤其他們的蛋白杏仁茶, 賣相超似嘔吐物, 睇見都唔開胃!!

好了, 頭啖湯咁好味, 開始有D期望了.  來了豉油王大蝦, 蝦好彈牙味道好好但我略嫌太多汁. 如果乾身D少D汁更好.

 

原本的套餐是石斑, 母后加錢改了龍躉兩味. 炒球不錯魚新鮮. 我好SURPRISE佢地加埋白果去炒之餘, 連伴碟都有PRESENTATION架, 好感動!! 如果係酒店我EXPECT呢個係必須, 但大佬呀, 我地係茶餐廳食緊呀, 呢D誠意已加晒分!!! 我同老公講, 我有理由相信個大廚係酒店出黎的!

 

 

燒味拼盆好食過星宴好多好多, 原來佢地自己有工場.

呢個小炒王又係好正, 送酒一流火候又夠, 有炸小魚, 尤魚鬚, 九菜花, 菜甫絲, 少少辣, 食到停唔到口.

 

 

 

豉汁聖子, 新鮮!!

 

 

 

蒜蓉粉絲蒸帶子, 呢6隻就算自己係街市買都百幾蚊無得走雞, 好大隻!

 



 

本來已好飽, 但這個乳鴿, 真係好食過沙田龍華好多, JUICY又嫩, 唔係翻炸, 水準之作.

 

 

 

本來跟餐有個炒E麵, 但因為無晒麵, 幫我地改泡飯. 我已話我食唔落啦, 泡飯又拎唔到走, 不如唔好要啦. 母后話唔好啦, 呢個鴛鴦米泡飯一定要食架.........好在, 聽阿媽話!!!!

 

一拎出黎已經唔得了, 湯底雪白, 之後老板放了一碟炸香的米飯焦去熱湯, "炸"一聲, 出煙!!

 

 

 

 

湯底甜到不得了, 有好多鮮魚塊, 彈牙大蝦, 勝瓜, 我話飽話飽又食左2碗 (今次大鑊了, 食大左咁多!!!)  由於湯凍了少少之後, 湯面起了一層膠質, 所以都幾肯定是魚湯底.

 

 

 

好了. 講左咁耐. 大家一定好想知係邊度同食左幾多錢. 套褻原本$1488/10人用. 沒加一沒茶芥. 但由於我地加左人頭又改左MENU (正常唔可以改架), 最後我地埋單係$870. 我老公找完數, 出了門口, 我問幾錢, 發現好似計少左(因為有叫了其他野), 即返轉頭問老板有無收少錢, 有的話我地比返. 老板笑笑口話無呀.啱架啦.

 

 

呢D套餐要預訂, 佢地有樓上大房可以包房食的.  人多去都OK架. 老板好好人, 成日笑笑口的.

 

 

我唔識老板, 都係第一次見佢. 但我完全覺得佢好用心經營, 小店生意難做, 街坊生意而已, 只希望支持下佢, 亦介紹比大家食好野. 而家去SPAGHETTI HOUSE唔知食左乜都2舊水一位, 呢度,我夠膽講, 我比$200去食, 我都覺得自己有賺, 我抵晒!!

 

 

地址 : 屯門鄉事會路28-38號冠興樓地下 (即V CITY 對面) ( TEL : 2865 9628)

韓遊點滴行 2014 (PART 1)

今次呢個TRIP係同我死黨PLAN左大半年先成行, 大家都一把年紀, 講明唔要辛苦唔要早機唔要行程. 如果大家諗住我會介紹首爾的SHOPPING點, 真係抱歉因為我係呢度真係無乜買野.

呢篇BLOG差點唔寫, 因為懶下懶下好多野唔記得左 XD. 但原來好多客人都追問係唔係佢地MISS左未睇, 點解唔見有寫, 所以都係要拿拿聲完成埋佢. 今次我係唔會跟日期寫, 反而只係寫點滴, 去記下我覺得美好的事.

最多客人問我的就係我住係邊. 我其實住在泓大區的Color in Seoul. 大家可以上網找他們. 由機場去和返都非常方便, 車站就在民宿下面, 如果大家會買好多野而要搭地鐵走, 你會後悔死, 因為好多地鐵站上地面都無電梯. 機場巴士是最好的選擇. Color in Seoul 唔係平, 但地方大, 舒服, 後生仔女住呢度就方便有NIGHT LIFE, 泓大果邊好熱鬧又有DISCO.

 

房間的夜景好靚, 無得輸!

 

 

 

有一天去了昌德宮, 這裡有部份地區已被封為受保護歷史遺物. 這裡我覺得都值得一看. 尤其我睇完韓國古裝劇後, 特別有FEEL.

 

 

我推介大家去參加導賞團去看SECRET GARDEN (歷史文化遺產) , 會有講普通話的導遊介紹, 生動和了解多一點. 原來古代的皇帝真係瞓木地板, 同睇韓劇差唔多.

 

呢個叫永生門, 是由原塊石雕出來, 傳說穿過此門得永生.

 

 

昌德宮是古代皇帝休閒之地, 地方很大, 環境好靚, 一年四季景色分明. 導遊給我們看她手機拍到這個地點的季節景色, 秋天有楓葉看, 又黃又紅又橙又綠, 冬天有雪, 漂亮到已打算自己去看一次 ! 這是明年之計劃, 打算一個人去慢慢周圍逛...

 

 

 

走的時候, 無意中見到有住宅的天台真係有整麵豉的器皿在天台!

 

 

之後, 行上山到梨花壁畫村. 梨花壁畫村坐落於駱山公園下，是韓劇《屋塔房王世子》中，王世子與朴荷約會的地方. 沿路行上去見到這機器人路燈. 駱山公園那邊也很多人踏單車, 應該沿路風景很美.

我最愛這張...^_^

 

3D 美術館是地標, 不是不去吧?? 我應該好多年無咁HIGH過擺咁多POSE影相, 難得又有我的至愛陪我一齊癲!

 

 

 

 

 

其實我地兩條友, 真係好HEA, 每日都無PLAN行程, 睇天氣心情而定, 最緊要食得好, 瞓得好, 真正的放鬆. 我地無乜SHOPPING, 反而成日坐底飲咖啡抖下. 兩條友就算唔講野1個鐘大家齋坐對望都唔會悶唔會覺得生外, 呢D真係我地幾十年的交情和體諒我份人好EMOTION的朋友才可以頂得我住.

 

 

今次重頭戲之一係打算做SPA. 我們揀了JW SPA 比較出名. 位於江南區地段. 到新論峴站4號出口.直行10-15分鐘到大十字口路口轉右就見.

 

 

 

 

店內環境如大部份的SPA一樣, 舒服, SERVICE貼心.

 

建議先預約, 我們BOOK了做BAMBOO THERAPY, 包括任選做JACUZZI或足浴, 另外90分鐘MASSAGE, 可以自選按摩油.

收費約每人連服務費HK$1600左右. 我老友話我一開始按已瞓到死豬一樣......This is what I called RELAX!!

按完有TEA同CAKE食..不過我唔明點解得一件囉...>_<

 

待續.....韓遊點滴食 2014

 

** 要靚也要命 - 安全染髮 Tint of Nature - 真金白銀產品介紹 **

這個產品, 也可歸入真金白銀系列, 因為我當初是自己用完覺得好才入貨.


由於我遺傳天生白髪，每個月必須染髮，但我好討厭在HAIR SALON 攪幾粒鐘, 而且由於知道有朋友頭皮有皮膚癌，所以我好醒覺要小心選用. 

試過好多天然染髮劑HENNA要開粉，我試過幾次, 一路染一路媽媽聲, 因為第一, 開HENNA粉的水份量要很準確, 否則太水會滴到一身到係, 太杰又一團粉咁, 根本搽不到上頭. 而且次次攪到地下一地都係, 而且我仲係長頭髮, 麻煩程度達十級以上！用了2次之後, 逼於無奈要用返CHEMICAL, 因為天然HENNA, 攪了我2個鐘都算, 係唔可以完全覆蓋到白頭髮 !!! 咁即係徙氣加徙我時間!!!! (極想爆粗!!!)

我用過Tint of Nature之後，愛上其方便！

 

 

產品介紹 :

 

Made in UK, 產品有不少於60%成份是用認証天然有機成份的.

 

不含 Ammonia, Rescinol, Parabens. 可覆蓋灰白髮。

含有Orange(橘子), Aloe(蘆薈), Comfrey(紫草), Grapefruit (西柚)  和Chamomile (洋甘菊).

(不要問我橙, 西柚, 洋甘菊點解可以染髮, 我唔知..哈哈!!!)

 

- ** 這個是孕婦也可以使用 **

- 染髮時間約30-35分鐘，嚴重白髮則最多40分鐘

- 由於是由Color Gel 混合 Color Fix 一齊用，如果混合了的gel用不完，建議棄掉，因為混合物會氧化

- 說明書註明，如果是補染頂部頭髪是可以的，但是要用另一個器皿自己mix Color Fix & Color Gel (分量我估按比例，如果家中有磅更理想，一盒分2次用）...

- 短髮人士或可自行分2次用看看夠不夠，記得不要一次過mix曬2支gel!

- 先用盒中clarifiying Shampoo（深層洗髮露）洗頭，染髮後用白色那2包Shampoo & conditioner 過水。

 



 



 

 

 

 

我自己通常用4M, 啡底但燈光下有小小紅, 低調得來有D野睇~ ^_^

 

 

2N 比3N再深啡多一點.

4CH是朱古力色.

C竇有售， 查詢訂購：9830 5723 Cindy