** 真金白銀系列 ** - Fresh Rose Face Mask 用後分享

前2日有一位客人FORWARD了一個網上的傳閱, 問我一些護膚品牌子是否安全.. 我說其實現今社會, 我們有乜野可以確保一定安全(SAFE) 呢?? 只可以揀少D毒害(Less harmful) 或較安全的產品來用. 唔好話護膚品, 現今連食物鏈都污染.  所以大家只可以盡力而為~ 

對於護膚品, 我相信好少人會認真睇成份表, 尤其而家流行日韓護膚品, 識日韓文都未必會睇, 何況大部份人可能都唔識, 就算係英文都未必睇啦~ (我以前都唔會太留意, 而家反而睇多左).

今次想講的是Fresh Rose Face Mask, 這個Mask都算很出名, 而且也有多位朋友推介給我. 

 

 

 

這個Mask 是Made in France, 特別標榜是 :

- 有真的玫瑰花瓣在mask內
- 含有玫瑰花水, 有舒緩作用
- 含青瓜和蘆薈成份有降溫, 舒緩, 鎮靜作用
- 含有海藻保濕成份
- 含綠茶成份, 具抗氧化和為肌膚帶來光澤

建議 : 可每天使用, 每次敷5-10分鐘.




用後分享 :

- 首先我必須要彈呢個蓋, 第一次用超難掀起!!! 我攪了2分鐘都開唔到 >_<

這MASK是GEL狀, 味道有真玫瑰花香, 不太濃, 舒服. 看到有一片一片的東西應該是花瓣吧, 但敷上面後更似金銀花~

- 和其他GEL MASK一樣, 在這寒冬濕度低的日子, 一敷GEL MASK我有吉吉地的感覺 (這和Derma Medream, Swiss Advice都一樣). 可能皮膚無咁乾的朋友會無咁吉或唔吉都唔定, 缺水肌的命運就係咁!

- 敷完之後, OK補濕, 對於正常皮膚補濕力應該都夠, 但對我來講仍有點不足.


今次我敷Mask時, 發現了一些平常我不會留意的事. 我相信95%的美媚也不會留意. 我在敷MASK的同時, 無聊地CHECK這MASK的成份有什麼.

大致上都合乎我預期中, 但其中原來都有香料和有2個防腐成份 :

BHT - 是一種合成的強力抗氧化劑, 根據我搜尋用資料說有可能致癌.
Phenoxyethanol : 是一種在化妝品常見, 刺激性較低的防腐劑

其實你問我, 反唔反對護膚品有防腐劑? 其實我覺得可以接受的, 如果無適量的防腐, 壞了又用左, 其實對皮膚也不好. 當然, 如果可以避到就避, 太擔心的可揀選用ORGANIC天然有機的SKINCARE,  但係大部份女人都係咁心急, ORGANIC產品你無咁上下耐性去用係唔會咁快見到效果, 到時又話無效. 魚與熊掌之爭. 適量合規格的防腐我可接受, 食落肚反而我更擔心, 但好不幸, 我們每天都應該食唔少防腐劑入肚, 你避得幾多???