C 竇/ C-Dou: 4月 2014

2014年4月30日星期三

2014年5月椰核團

如大家都想以優惠價訂購, 請幫忙做以下動作啦:

- 已LIKE C DOU FANS PAGE
- 巳Public Share 呢個POST (必須有地球ICON, 我才看到你SHARE架)!!

這些為食團旨在為C竇做下宣傳, 所以希望大家幫下忙, 必須完成以上動作才可以優惠價訂購的, 謝謝!

截單日期 : 2014年5月10 日星期六晚上11:59PM

價格 : 核桃果乾$115@ 椰棗 $145@ (約400g)

一切以入數作實, 不設口頭留貨. 不設郵寄或地鐵交收,
運費: 每件$12 (只限正常商業區地址). 由於宅急便送住宅出了些問題, 所以要稍後才知可否安排送坐宅(如宅急便OK, 最高運費是$50, 不寄順豐, 因為我無ACCOUNT, 要自己拿去中心寄). 閣下可自己安排快遞到店取. 運費需預付, 不設到付. 送貨以入數先後次序安排, 不便之處敬請原諒. 急要的請自取.

大家可以到以下LINK看清楚資料, 入了數才好填FORM, 避免混亂.

https://docs.google.com/forms/d/1FCM5hvwR2wnorYlyQvDGNJZge0DPbJJFHaVn1ckb8ZU/viewform?usp=send_form

填FORM按SEND後必須見到"Your response has been recorded" 才是成功入FORM!

2014年4月19日星期六

澳門悠閒之旅-PART 2 之開心

第二朝係酒店食完早餐之後出發, 正在HOTEL SHUTTLE 上說, 今日一定要食葡撻了, 因為逢星期三是沒得食, 點知一落車, 舉頭就見到瑪嘉烈的招牌, 搵到唔駛搵 !!! 大家即時好後悔早餐食左咁多野..>_<. 但...點都要隊一個先肯走.

如果唔係飽, 呢個葡撻會更好味, 比起香港的, 呢個無咁甜, 新鮮出爐, 好味.

之後大家漫無目的由新馬路行去大三巴, 因為其中一位媽咪未去過. 咁見到路牌話有炮台, 我地又行條勁斜路上去.

由炮台望去鏡湖醫院.

之後例必去了大三巴買手信, 我們沒有去大店, 反而揀了一間小老店. 店家很好, 我估我試食晒他們全店的肉乾, 試食都食到飽. 我叫那位哥哥唔駛再剪比我食啦, 我仲要去食飯, 佢攪笑到話係呢度食飽唔駛再徙錢出去食啦~

晚上又出動去食飯了. 今晚食粥底打邊爐, 也是同一位澳門朋友介紹的. 地點有些遠, 在筷子基, 搭33號巴士去到總站就見. 這些店一定有咁上下功力才做得住, 因為都係街坊生意.

粥底加了果皮和紅棗.

豬肉丸據說是店家自己手打, 推介之選, 彈牙好味.

我叫了一條啜啜魚, 其實我唔知係乜魚, 只係覺得個名好得意, 又可以兩食.

魚有少骨, 但好滑, 我叫了一碟生菜絲拌粥, 正!!

加$20就可以再椒鹽頭腩, 好好味,抵到爛, 仲有2碟添呀!

手切牛肉, 朋友們說好滑, 不錯.

焗沙薑雞, 來時有鍚紙封蓋. 老公超LIKE, 我麻麻.

呢個蛋炒麵, 我地見每檯都有1碟, 當然唔會執輸, 果然比起好多酒店都炒得好食,, 推介!!

我們7個人另外都叫了汽水, 油炸鬼, 埋單只係$530, 食到捧住個肚走, 大家開開心心.

今次總括來講好開心, 每次搭巴士都見到有人主動讓座, 去食飯店員都好有禮貌有傾有講, 我們問路, 人家都好細心教我們. 雖然朋友說只係我好彩, 平時連她都好少會見到, 我只是去了3日2夜, 但這種人情味, 反而在香港現在少見了很多. 很唏噓. 本來我老公對去澳門短遊一點興趣都無, 又話無車, 又話多人, 又無野玩, 但今次之後, 佢返來已推介了幾個朋友去我們食過野的地方食. 同埋我地掌握到點樣搭巴士, 如何避開RUSH HOUR (澳門的RUSH HOUR真係好恐佈, 因為巴士細架, 隨時可以4, 5班車都上唔到). 相信老公好快又帶我去澳門搜尋美食了~

2014年4月17日星期四

澳門悠閒之旅-PART 1 之開心.

大家見我話去澳門有乜好玩, 其實我無乜期望, 只係想RELAX一下, 估唔到無期望反而更開心.

對上一次去澳門旅行, 應該是7-8年前的事, 但一直印象麻麻, 因為覺得好多人, 根本截唔到的士, 又帶住老人家去, 住那些金碧輝煌的酒店, 5PM才比我們CHECKIN, 排隊等CHECK IN都要等1小時, 但第2日中午12點就要CHECK OUT, 根本趕到甩髻. 有乜辦法唔火滾? 我寧願去台灣都唔想去澳門, 最近2次去都是公幹, 即日來回.

今次是因為阿仔的同學仔媽咪想TERM BREAK一齊去玩, 大家又不想去大陸, 就由這媽咪做攪手安排酒店船票, 我安排去邊度食野. 當然, 我沒有買澳門旅遊天書啦, 只係問了一位我在澳門的客人朋友, 告訴她我要吃地道的, 不用華麗包裝.

這篇文本來我想猶豫要不要寫, 首先我並不是食家, 也不想班門弄斧的介紹美食, 更加沒資格介紹景點, 因為我都係傻更更咁無意識周圍逛, 我們的行程就是無行程, 所以大家都好悠閒慢條斯理HEA行. 我只想介紹一下我食過覺得好味的東西咁大家知，也給自己做個紀錄。但今次澳門之旅, 卻令我完全改觀, 讓我一一道來.

我們做盡了一個遊客的事, 第一就是坐OPEN DECK 觀光旅遊巴士!! 由於我們在訂房時可以用$50 BOOK一個2 DAYS PASS任搭，反正大小朋友們（包括我）都未搭過，　我覺得值得試。一下船就先去OPEN DECK. 　這個BUS TOUR大約45分鐘就可以環澳門一個圈，不失為一個最快可以睇晒主要景點之方法。

之後就回酒店放下行李，由於今次住氹仔那邊舊一點的酒店，　但出乎我意料之外，　我非常之咁喜愛。是好歐陸小酒店風格，原來前身是HYATT REGENCY. 雖然設施比起金碧輝煌的威尼斯人，　銀河是完全不同，但我更愛這悠閒FEEL, 是我想要的那種度假感覺。

之後就出外逛逛。由於晚飯是在官也街附近，所以早一點出外。無意中見到了大利來記，老公一個箭步標入去之後，　店主就掛上休息牌，真行運啦～

這個豬扒包的厚度，亮點絕對是個特製飽，　因為我們分別在第２天再ＥＮＣＯＲＥ食埋菠蘿豬扒包和豬扒餐包，　前者覺得唔係咁夾味道，後者ＯＫ平平無奇，但特製包好味得多！（溫馨提示：老板娘話呢個特製飽每天由下午3時起才供應，手快有手慢無，通常5,6點就賣晒，明天請早XD）

奶茶也是平平無奇, 我還是愛我的港式奶茶.

之後食完再周圍行下，感覺澳門現在有點似台灣的一些有特色的小區，區內有特別的外觀，雅緻，也有一些小店，米芝蓮餐廳。這些都是在香港找不到。

我們去買了點母后要的手信之後，終於到戲肉了！感謝客人朋友Peggy 的＂金舌頭＂老公推介，我們才識得食呢間正野。

這間店才何連旺街，講真，唔係有朋友介紹，根本唔會識得去橫街小巷這間餐廳食飯。這個店的廚師也是老板。由於是非常住家FEEL的餐廳，所以店內面積很細，大約只可容納20人，唔預先BOOK檯想WALK IN是很冒險的事。但我可以告訴大家，就算打長途電話去BOOK都係值得！！

先來個炒蜆，超好味到唔識形容，本來我想叫豬肉粒炒蜆，侍應姐姐打晒眼色咁話唔好，叫我淨炒蜆好。我當然信佢啦 ^_^　又大隻又嫩又JUICY, 完全臣服！

有幾好味？？我老公係唔食得貝殼類的人，一食就肚痛要去廁所。今次連佢都忍唔住食左幾隻，特別在個汁，有香草，有酒

我直情癲到去一匙匙汁咁飲，　D朋友話我好恐怖，要黎送飯更正！　

之後這個葡國雞，是必食推介，　

飯可以唔食，　但這個飽，好恐怖，　我們叫了４個！因為太好食了！！！！　姐姐把這個包再放入焗爐烤熱，外皮脆脆內裡軟軟，咬落去係脆脆索索聲，係我最鐘意的好RAW的麵包，正到唔識講，一定一定要食，　仲要沾葡國雞D汁食咁先係最高境界！

由於有小朋友一齊食，　所以叫了個忟豬手。其實唔係唔好味，只係比起黑椒果Ｄ，呢個味道好平淡，下次可以食炸豬手。

咖哩牛腩都很出色，雖然我只食了洋蔥和薯仔，但朋友都說好好味，撈飯無得頂。

這個焗馬介休，　我第一次食，　碟的直徑起碼８吋，我個人包辦了起碼半碟，因為太好食。口感有Ｄ似Fish pie，用馬介休蓉, 薯仔粒，洋蔥粒去焗，真係令人停唔到口，　而家講起都想食。雖然呢個空口食有Ｄ咸，不過我唔理，自隊半碟。

溫馨提示：我們一行7人（有一個小朋友），叫了６碟都食得吃力，因為份量都唔小。其實叫５個餸應該都夠。

待續..........

2014年4月8日星期二

Le Salon Restaurant & Croissanterie

正常人去這餐廳應該是去食它出名的CROISSANT, 但因為我正值LUNCH TIME去到, CROISSANT也不是我最喜愛我食物而且仲係BUSINESS LUNCH, 無理由叫人去食CROISSANT :P 去了Le Salon Restaurant 食LUNCH, 沒什麼期望, 但覺得應該一試~

環境HIP & CHIC, 是我喜歡的STYLE, 稍嫌檯與檯之間距離近, 那天我們鄰座的5位女士, 旁若無人, 說話很大聲, 的確令人很不舒服, 根本和朋友傾談時需要身向前一些縮短大家距離才聽到對方的話. 而且我與WAITER溝通叫菜時, 其中一位女士叫了2次打擾, 難道這一丁點的MANNER都不曉得嗎? (註:是本港OL)

SET MENU每款都有2個CHOICE, 一係BEEF TARTARE, 一係CRAB CAKE. CRAB CAKE唔錯, 比起BOSTONIAN 好, 但比不上GRAND HYATT. 如果可以再挺身D硬淨D, 口感會更好, 現在少少削但可以接受.

BEEF TARTARE都好味, 可以放多少少黑椒.

這個牛扒.....明明是叫5成熟, 但切開連血水都唔見到, 有點"UN", 咁我地好禮貌同WAITER講好似唔係5成熟, 佢地拎返入廚房, 我以為佢地會換話一塊係5成熟, 點知佢地拎返原本果碟比我放低, 然後話"CHEF話呢個係5成熟" O咀啦....

之後, 我朋友有點不悅, 佢地唯有再煎過一塊出黎,一切開又係一樣係血水都無, 又係OVERDONE. 我們唯有放棄再REQUEST了(其實我真係想叫個CHEF出黎, 話比佢知呢件根本唔係五成熟, 如果你認煎過籠我都覺得可取, 但連WRITER的咀臉係想講"係咁架啦"條氣有D唔順.. 但我地打死唔信呢個係5成囉, 有渣同"UN", 唔係心目中的扒......雖然味道不錯, 但態度認真唔要得.

CREME BRULEE - 可以, 但沒有什麼特別.

雖然二百多元不算好貴, 但其實服務麻麻, 食物也一般, 食LUNCH就應該無下次了. 可能我應該只係去HIGH TEA食佢地的SIGNATURE CROISSANT好了, 下次想食栗子CROISSANT, 因為見好多人都讚好味呢!

大叢海鮮火鍋 - 不得不讚

我在山林道工作都快2年了, 要不是朋友帶我來, 我真不知有這一間店.

上次是有大班朋友訂了6圍, 人多自然可以叫更多食物選擇. 之後我都有和家人再去, 人少也可以食例牌的. 不要期望有豪華裝修, 像一些地道的飯店一樣.

事實上, 我只注重食物質數. 首先來的是冰鎮鮑魚. 上檯時已非常震撼, 因為好大隻, 好厚身. 和在街市見到的是蚊脾同牛脾, 感覺上似食緊鮑魚扒, 超有口感! 味道是帶有酒味, 又爽又彈, 無得頂. 在這晚飯之後2個星期, 我去了另一間食肆食冰鎮鮑魚, 唔好味不特止, 仲要細2/3, 但價錢一樣. 立即後悔不已.