錯在基本保養…誰的錯？

每天接觸不同的客人, 如有時間我總會觀察一下她們的皮膚, 靚的當然向她們請教護膚貼士, 皮膚不好的, 如果她們有時間我更加會問長問短, 希望了解一下問題出左係邊度.

我們現代的女士太幸福, 這一代已不會缺乏護膚品, 資訊也泛濫, 變了選擇困難症. 開店這一年有多, 給我面診過的客人們應該都有幾百. 將她們的問題分門別類, 我看出了大家的基本功和知識出了問題, 以後會開一個新的分類, 稱為"皮膚保養基本功".

言歸正傳, 錯誤的保養大致上分為以下幾個原因 :

1. 廣告的幻覺

這是大家最常犯的錯誤, 見到廣告話乜, 就幻想自己都一定會好會靚~ 其實賣得廣告的產品我已甚少買了, 我不想我花的錢大部份都去了代言人手上.

2. 一套護膚品穿越春夏秋冬

這也是很常見的錯誤. 冬天見聖誕特價, 買了幾套, 好了, 春天開始用, 一開起碼用3-6個月啦, 咁就到夏天. 冬天用開的SKINCARE, 夏天用又太RICH, 加上香港的天氣又潮濕, 最後為左因為開左一定要監硬用埋, 攪到全面暗粒/油脂粒. 呢D CASE我真係見唔少. 次次聽完就炳D客, 點會見到塊面出晒粒粒都仲用架??? >_<

3. 混合性皮膚一套SKIN CARE走天涯.

當我同D客講, 夏天時, 我一塊面用2套唔同的SKINCARE, T字位用控油, 其他位置要RICH D, 大家聽完都O 晒咀, 因為佢地從無想過要買2套的SKINCARE用在同一塊面. 當然咁皮費會重左, 但係護理都係想靚D, 36似26, 46似36, DELAY AGING. 所以如用錯而又係令自己面油多到煎蛋又何苦呢??

4. 防曬的錯

好多客人都用錯防曬出事. 正常人以為物理性防曬係一定好, 其實也未必. 也米以為個個都可以用到防曬度50, 100, 錯曬!!! 油性皮膚也不應用太高防曬度數的, 這樣會令你們更易出面油兼塞毛孔, 又係爛面爆粒粒的時間. 除非油性皮膚的你長期在戶外, 否則寧願只用SPF20-30的防曬, 再密D補有防曬度數的COMPACT OR 2-WAY CAKE, 都會比你用SPF50屎得無咁慘烈.

產品其實未必有錯, 只不過是用家的錯, 時間錯, 方法錯. 只要基本知識對, 其實都可以改善到皮膚. 我們花錢都是想皮膚越來越靚, 如果好的產品在錯的時間用加上方式錯, 就完全另一回事.

都係果句, 我們不缺乏SKINCARE, 但係缺乏了正確的知識和堅持, 最後皮膚越來越差都唔抵啦~ .

如果大家有興趣多看一些這類分享, 我會再仔細的分TOPIC去分享.

** 謝謝收看!  **