最近好多客問我有冇暗瘡膏好。其實有一支我用過係最好，因為佢有本事係你感覺粒暗瘡想出現的時候一搽，就可以襟住唔「標」出黎。如果已爆發，搽一、兩次已可平伏之餘，仲可以滅淡暗瘡印（切記忍手不可唧！）
產品 : dermedex Bio Tox refining cream 30ml (all skin type)
原產地 : 星加坡
其實我一直未見過成支Refining cream的真身，因為一直是用朋友唧比我的分裝小瓶。朋友說30ml都有排用啦，所以叫我唔好買。
這Refining cream 是粉橙色，有中藥味，但搽勻了就不覺，因為不是油劑膏，所以也可搽完後化妝上粉底。完全無問題.
有客人問我這refining cream對付石頭瘡得唔得，這個我未能親自證明，所以答唔到大家，但也有已有石頸瘡的客人已決定買來試，我都會following up 呢D特別個案再講比大家知。
我一直唔敢入貨，係因為貴，我覺得應該冇乜客會買。但我朋友都用過，話四舊幾水買一支看門口係必須，尤其就快夏天，出暗瘡時如果狂搽暗瘡膏又會皮膚甩皮化唔到粧仲慘, 基本上大部份的暗瘡膏和暗瘡精華, 都係立即收晒油份, 並令你狂甩皮但粒暗瘡都唔謝先激氣. 我見識少, 以為4舊幾水的暗瘡膏已是天價, 原來有客人試過8舊幾水買暗瘡膏, 但係都係唔WORK先失望到極. 講真, 出得暗瘡心情已幾唔靚, 仲要8舊水唔WORK, 應該想殺人
要POST張咁樣衰的相片出來, 我都好唔想, 但大家又好想睇暗瘡膏的效果。其實我並不常出痘痘，當我要試產品時就送了我1粒！以下是我痘痘記録：
最上圖是未用前(27/3) 的又白又紅的暗瘡。這次冒起很快，一晚已見白頭。晚上我搽了一次。
中圖是第二天早上起床 (28/3)，洗完面已不見白頭(可能洗面用力左少少)，仍有點紅。第二天我早晚各搽一次。
最下圖是今早 (29/3)。已大致平伏了，紅仍有少少。化妝已可掩蓋了7成。前後3天共搽了3次，阿彌陀佛！
對付暗瘡的重點是盡量千萬唔可以唧, 一唧就令暗瘡周圍的皮膚受壓, 本來只有2mm的傷口就是因為唧而加大到5mm, 仲有, 可能用力不當已積了瘀血死血, 令暗瘡印更深色. 所以千其唔好唧同少D"手痕"摸D粒粒暗瘡.
如有任何問題, 請私留或EMAIL/what's app我啦~
如果大家喜歡我這篇分享, 請給我一個LIKE啦~
這個是C竇的新點, 想扒舊文的朋友 : 按我回顧
