原來就是在灣仔QRE PLAZA的La Cucina Italiana. 整幢大廈主要食肆多, La Cucina Italiana 是複式打通2層, 餐廳內在自己的樓梯行上一層. 環境是very European style home feel, 中間有兩張大梳化, 如果包場都係一個幾好的選擇.
LUNCH我通常好懶費事睇MENU叫A LA CARTE, SET LUNCH是我首選.
麵包 OK, 但個SAUCE才是令我欲罷不能!!! 本來平時我唔多食麵包, 因為QUOTA有限, 但.....
如果你喜歡生蒜的辛辣, 會愛上這SAUCE, 有蒜的辛辣, 酸酸地, 有少少PESTO 味, 咸咸地, 總之有幾個層次! 不知不覺我自隊晒一籃麵包!
雜菜湯 普通, 唔飲無損失,
我個餐有個蕃茄意粉, 真係好意大利FEEL, 唔似得港式的咁多料咁多醬汁, 清清地. 但意粉的AL DENTE程度同我心目中的要求還欠少少, 不過已非常OK.
朋友叫了白汁的意大利雲吞, 佢話非常接近真正意大利人住家FEEL的味道, 因為佢有個朋友是意大利人, 有一次意大利人的媽媽來了香港, 做了一餐正宗的意大利餐比大家食, 這個雲吞好趣緻, 細細粒, 每粒大約2X1CM咁細, 都幾好味.
原來我個SET LUNCH咁多野食, 仲有一個ORGANIC 豬扒, 大大的兩塊, 好好好好味!!! 米睇佢PRESENTATION麻麻地, 肉地是軟滑又JUICY, 好有原有的豬肉味 (而家的大陸豬肉真係無乜肉味). 最重要係, 因為我掛住講野, 塊豬扒凍左都係咁好味, 平時的豬扒應該早已僵硬到不想食, 今次凍晒我都可以照食, SURPRISE!
我的DESSERT是PANNA COTTA, 不過不失, 但我仍然覺得SABATINI的是最棒的!
朋友的MANGO PUDDING
最後仲有COFFEE OR TEA, 單係杯好飲的COFFEE已值$40, 明白嗎??? 呢個SET都唔算貴, 百幾蚊, 我會再ENCORE, 因為有兩樣已令我留下深刻印象!
