我先到, 坐低見到只放下一個MENU, 一打開睇, $2230/位, 嚇到呆左, 正想打比我朋友同走, 之後就比另一個MENU我, 心都定D, 起碼有點心食, 同埋唔貴 XD.
我們都叫了一個SET LUNCH, 因為貪心樣樣都想食下. APPETIZER是雞加海哲頭酸薑皮蛋. 普通但都OK好味.
之後有一個鮑魚生菜鬆, 沒欺場, 鮑魚好好好味呀~ !!!
本人對潮州粉果不算特別鐘愛, 但加埋D辣椒油又唔同講法, 又係好味道!
散叫了一碟黃花豬閏腸粉, 因為唔係好多地方有得食呀. OK好味, 但我覺得以前我細個食果D更爽豬閏更厚更好味, 呢個切得薄左D.
呢個有D似灌湯餃但內面全是蟹肉, 湯底好金華火腿味, 好好飲.
我要了鮑魚汁冬菇鵝掌撈麵, 好好味, 好想添食呀~
朋友叫了忟牛尾, 據闡都唔錯, 配上炸饅頭.
食到呢度, 基本上我都好滿意了, 甜品都沒有令我失望, 蛋白杏仁茶, 不是沖粉的! 濃郁又正!
連小點都沒有馬虎, 令我喜出望外, 我最愛食芒果糯米滋 .
老公打比我, 問我做緊乜, 我話係阿一鮑魚食緊LUNCH, 佢問我做乜咁豪呀?? (唔識答, 諗住埋單起埋一個人6舊水無得走啦~ )
點知........
呢個套餐只要HK$268!!! 我好耐無試過由頭讚到落尾, 仲懶闊佬同老公講, 下次你乖請你去阿一食鮑魚!! ^_^
BUSINESS LUNCH的推介地方之一!
沒有留言:
發佈留言