可以呃下人的有'營'快靚正湯 - 韓式麵豉蕃茄蜆肉湯

 

自從著手攪開舖之後, 由以前一星期煮5日飯, 改為一星期三日了, 都唔係無煮野比豬仔食, 只不過少了創意. 有時已攰到爆炸, 仲邊有靈感呀~ 所以都好耐無寫COOKING MAMA啦~

呢個星期煮過兩樣比較滿意的, 一樣是菠蘿牛仔骨, 另一個就係 韓式麵豉蕃茄蜆肉湯.




呢個湯絕對呃得下人架~ 琴日放工見平買左一份蕃茄$5/5個, 未想到點煮, 本來想做蕃茄蛋花湯, 又好似好寡. 所以加左韓國麵豉醬.

溫馨小提示 : 記得先用熱水開溶了麵豉醬, 否則點煮都唔會溶晒~

這個湯2人份量, 用溶了的麵豉醬連水再加200ml 水煮, 再放入蕃茄和幾片薑大火滾20分鐘, 再加入蜆肉(其實加任何配料都得, 隨意), 再煮5分鐘即成.鐘意的可以灑小小黑胡椒上面~

個樣好似老火湯架, 而且都幾好味無油, 少肉, 味夠濃(因為是豆湯), 如果加埋芋絲/粉絲, 直情飽肚當一餐!