養生食療 - 燉雞泡魚膠

新年的時候去一位AUNTIE家食飯, 這位AUNTIE是專業的陪月, 也為很多名人明星做過陪月, 對藥膳療如指掌.  這AUNTIE講起食雞泡魚可以醫女性的生理婦科病 (子宮痛), 對生產前多吃也可以減輕陣痛.

雖然我應該唔會再生, 但聽到可以針對婦科病, 我仍是很有興趣. 因為我曾經也是病患者, 雖然會KEEP住CHECK, 但也不知會不會翻發的一天, 所以身體健康很重要.

由於要AUNTIE幫我買, AUNTIE話佢自己都買唔到了, 所以我都沒再為意. 只是有一次無意中講了給母后知, 母后很緊張的周圍問她的朋友邊度有得買, 終於阿姨的一個徒弟 (我阿姨是太極師傅)是開海味店, 幫我母后找到. 母親真係好偉大, 只要為自己子女好的東西, 都會發晒茅去搵

我叫母后問多D關於呢個雞泡魚膠的資料, 好讓我和大家分享.

雞泡魚膠是雞泡魚的魚鰾, 體積不大, 都算珍貴, 更是滋補之物，功效補氣明目，並有增精強腎、美容護膚之效，是花膠中的上品，據聞功效僅次白花膠，對調理女性生理機能及白內障亦有療效

產地主要是印尼和緬甸(乜唔係日本咩?? 日本人好鐘意食雞泡魚架WOR???)

雞泡魚花膠是女人的聖藥, 含豐富骨膠原, 鈣, 微量元素.  生產前後都可以食用, 生產前2個月食, 可減輕陣痛, 生產完後食, 可以滋陰補身, 也可加快傷口癒合.

 

雞泡魚花膠是養血潤身之物, 補虛氣血. 總之就是有病醫病, 無病養生.

 

本來母后想買大隻的雞泡魚花膠, 但老板娘話, 自己食, 其實大細食功效差不多. 只係坊間又話要心型又話要白淨先係好, 其實只係商業的手法. 咁當然賣相靚D, 價錢都可以賣貴D啦. 我信老板娘唔敢呃我母后, 因為佢都要同我阿姨佢師傅交代.

 

老板娘又教我母后一條水上人的偏方, 係用白蓮子, 潺螺, 雞泡魚花膠燉瘦肉. 但係我唔知係邊度同幾時可以買到潺螺, 所以我決定用最常見的材料去補身就算了.

 

雞泡魚花膠和花膠的浸發方式一樣:

1. 預早一天以凍開水將雞泡魚膠浸發, 如有瘀血可以刮走；

2. 將已浸軟的雞泡魚膠放進已薑蔥用大滾水中煮十五分鐘；

3. 由於我無時間每次只發3隻用, 所以我會一次發30隻備用.

4. 熄火並撈起雞泡魚膠，沖一沖開水待涼. 我會每3隻一份(一人一次的份量), 用保鮮紙分好一份份放入冰箱, 食幾多拎幾多出黎.

個人覺得, 雞泡魚膠的膠質, 比起市面上奀支支的花膠筒仔仲要膠很多, 3隻已很膠, 以每次$30左右, 我覺得很化算.




甜的做法都是我喜歡的龍眼肉杞子紅棗南棗. 做法是先煲白蓮子, 薑數片和其他材料30分鐘, 後下雞泡魚膠再煲30分鐘.

睇下第2朝係雪櫃拎出黎, 成碗幾膠~!!!




其他配料, 可以加淮山, 茨實, 螺頭, 杞子, 猴頭菇自行配搭. 齋煲瘦肉都OK架, 最緊要係最後30分鐘先加入雞泡魚花膠去煲.



如果大家喜歡我這篇分享, 請給我一個LIKE啦~


這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~