話說農歷新年前，跟Sassou的老板娘Connie和Marketing Manager
Jolin一齊茶聚。三個女人一個墟，當然係講護膚！如果識Connie的人，一定認同她的皮膚好到吹彈得破兼零毛孔！Connie說想皮膚好, 要一個星期用一支天女滴, 幾個星期後, 就會有明顯改善. 我問此話當真?? 係的話, 拿拿聲飲完HIGH TEA好返去K11 旗艦店, 我要立即比錢, 立即預購! 雖然我和Sassou的關係良好, 但我是堅持要自己真金白銀付錢去買來做實驗. 幸好仲趕得切PROMOTION完之前買, 4支盛惠$2640, 都OK可以接受. 最緊要用得好. 錢唔怕花, 最緊要用得值.
2月20日左右, 我終於有時間去拿預訂了的4支天女滴。 <<天女滴舊文分享>>
對於今次的實驗, 我也是充滿期望, 因為當我見到Connie的皮膚, 真的羨慕到不得了
Connie 教我的秘訣是, 每天早午晚都要用, 每回3次, 每次3泵 (即一個早上我要用9泵的天女滴). 其實用9泵後, 塊面已濕到爆, 不得了, 都要等3-5分鐘先可以吸收得晒再進行其他護膚化妝步驟. 但為左要得到理想效果, 我每天都很堅持完成, 儘管有時已趕到甩褲了 @_@
本人從未試過咁認真去用一個skincare, 咁神心真的一日三次，中午都用（妝甩我都唔會補啦！）。如果要根據Connie的秘訣, 一星期要KO一樽我完全達唔到標. 下圖為我用了一個星期, 最多只用到2/3樽，1/3樽我真係要飲埋落肚了！有朋友叫我用MASK紙, 就可以用曬一樽啦..我心諗, 我才不會這樣浪費啦~ 我要每一滴都係由塊面吸收晒!
如是者, 中午那次是有時很難記得搽和堅持, 雖然我已入了小樽放在化妝袋內 但由於我化了妝. 中午時份, 我要先印走面上的面油, 再搽9泵天女滴上面. 其實個妝都會好難KEEP到, 但唔化又唔得, 因為返緊工. 所以, 補了天女滴那天的妝容其實會有點溶.
以下為我用了一個月天女滴的點滴分享, 純屬個人的用後感 :
- 其實用了3-4天之後, 我有小小敏感的情況出現. 但我覺得唔係產品有問題, 而係可能我的皮膚一時間未適應咁密集式的進補, 真係"妹仔命"!! 而且開始用天女滴的期間, 天氣的變化很大, 有時很熱, 有時很潮濕之後, 突然又可能好凍. 身邊大部份的朋友/客人, 不論有無用SASSOU天女滴, 10個有7個都有皮膚敏感. 我本是金剛不壞之身, 搽乜用乜都唔會敏感的人, 都終於係呢個天氣下出事, 身體有紅點/粒粒, 面也是. 所以我覺得敏感應該和它無關.
- 我休息了2天沒用天女滴之後, 沒事後我就繼續用返了 (畢竟我買了4支呀, 點都要隊埋佢!!) 我相信是皮膚接受了進補期, 之後一直用都沒事了.
- 我是屬於極乾成熟皮膚. 本來之前收到一支的天女滴試用, 我只是每天早晚用, 每次1-2泵, 感覺是像有滋潤成份的TONER多一點, 當然和SASSOU的精華仍有一段距離, 不論以價格和效果, Sassou的精華當然更無得頂!
- 但今次密集式使用和我預期反應很不一樣. 我EXPECTED我咁密集式用, 應該會潤到不得了, (其實搽完9泵之後, 的確是很夠潤, 有點立架, 不過我早晚完全接受到, 中午就有點窄, 因為在街, 街又熱, 雖然已印了面油和塵, 但中午那次真係有點立, 不過我都盡量頂硬上, 為了靚, 破斧沉舟!)
- 用到第2個星期, 我的臉開始有點乾. 我真的百思不得其解. 普通用法反而覺得夠潤, 密集反而乾左?? 是什麼道理呢?? 我想了很久, 有可能是天女滴改善緊我底層的皮膚狀態. 我以前唔覺得乾, 係因為只補充了表面的水份流失. 以前我一樣好多面油, 密集式的用法, 可能是驚動了底層皮膚組織, 徹底的轉了狀態, 改善了水油平衡. 以前我唔覺得乾, 可能是因為出了面油而產生的錯覺, 覺得唔乾. 用了2個星期, 面油明顯少了很多, 令我有錯覺是面乾. 其實我相信是轉變了我的水油平衡系統.
- 我曾經問過CONNIE同JOLIN, 係唔係一定要用晒全SET都係SASSOU先做到最好效果. 佢地好老實答我其實唔駛,. 但我自己只用了天女滴, DAY CREAM 和 NIGHT CREAM 都用其他產品, 始終覺得唔夠保護咁. 所以係第3個星期開始, 我最後都係加埋SASSOU的MOISTURE CREAM用, 今次終於夠潤了, 這樣的感覺才最良好. 我相信唔夠潤呢個環節, 同年紀好有關. 一直我係寧願潤過頭都唔好唔夠潤, 唔夠潤或許只是幻覺來, 但對我來講, 我年紀唔細, 都係不容有失!
- 經過1個月密集使用, 我真係好努力, 只用了2支半. 不達標.
- 1個月後, 我聽得最多的評語, 係話我皮膚白淨左, 通透左. 我自己係睇到毛孔是收細左, 有光澤左. 整體來講, 雖然未能好似CONNIE咁100分, 但我覺得都有70分架啦. 希望用完4支可以再IMPROVED多D啦~ 整體來講, 我滿意見到的改善.
- 以上純屬個人分享, 或許唔同皮膚的朋友會有唔同反應, 本人立場並不代表所有用家的反應.
這個是C竇的新點, 想扒舊文的朋友 : 按我回顧
沒有留言:
發佈留言