** 雷品出沒 - Shiseido Fullmake Washable Base的五宗罪 **

其實一件產品真係幾流下先比我判死罪, 叫得雷品. 因為我都係一個生意人, 如果太草率去斷定佢好定唔好, 咁樣唔係好公平. 所以我都係左試右試問下人, 嘗試搵下你的優點, 但如果盡晒力都搵唔到就真係唔好意思了. 最近就找到佢了~ 

Shisedo Fullmake Washable Base 35g

聲稱是世界第一個可以用溫水卸妝的化妝下地 (MAKE UP BASE)





聲稱有以下優點 :

1. 補正皮膚凹凸, 為搽唇膏之前打底.
2. 含保濕成份
3. 無香料
(其實2個日文估唔到~ )

 

由於年紀唔細, 我已沒有沾手日本SKINCARE很多年, 連MAKE UP也PREFER歐美系. 本來已斬手指唔買, 見到好多BLOGGER介紹呢個BASE, 又迷失了理智, 再斬多一次手指. 

這個BASE, 說是可以用溫水卸妝, , 又是可以又可以做面和唇的BASE. 見一百元左右, 就叫朋友幫我買了一支返來. 

呢支野講到咁勁, 我用了第一次...咦.....咁既...開頭以為是自己的問題, 再睇多一次說明(嚴格黎講係估多一次說明, 因為我根本唔識日文)..用多幾次都係咁...

質地小小橙, 但搽均勻之後是沒色的. 感覺都OK, 水水感, 都算滲透得快.

1. 佢話可以用溫水卸, 但其實每日我返到屋企妝都溶晒, 而且有面油, 用溫水卸了一兩次, 仍有不乾淨感.

2. 本人唔LIKE用溫水洗面, 因為會令毛孔粗大, 但其實就算用溫水洗, 由於已混有面油, 其實都係要再用潔面產品洗多一次, 因為唔放心怕洗得唔乾淨會出粒粒.

3. 產品說可以填凹凸洞修飾毛孔, 但SORRY, 真係唔覺得做到.

4. 中午開始面色又變灰.

5. 沒有SPF, 講真市面上大把有防曬的MAKE UP BASE都係咁上下價, 駛乜用佢?

又唔係一D優點都無, 好處的係唔立, 質地好水(可能只係因無防曬功能)

總之, 比左5次機會之後, 對於我來講覺得稱得上雞肋雷品，可有可無。 再一次痛恨自己把持不住貪便宜而試。本人是熟女皮膚, 乾中缺水. 以上純本人試用感受, 未必每一位效果都如我.


** 謝謝收看!  **


這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~