* 真金白銀系列 * - LOVEMORE 戀愛膜法黑珍珠寵愛臻白天絲面膜

黎到台灣, 點都要搵D新"孖屎"去玩下, 講真普通的我的美麗日記, BEAUTY BUFFET 果D已不入我名單. 一來我覺得呢D幾蚊一片的MASK唔慌有效, 人地用咁多錢打廣告, 批發零售商都要賺, 咁究竟有幾多錢係用在產品上大家心知肚明, 一片5蚊的MASK, 用在產品上都唔知有無1蚊. 所以我自己店一直主攻D不算出名但有效的產品, 美容院品牌. 在街買的, 少於$15-$20一片的, 我也不想買, 因為我明白, 生意是要賺錢的, 沒錢賺的產品也不太會是好產品.

OK..廢話少講 , 作為一個對美容有好奇心的人, 我仍然會花錢買下新野試, 嚴選之下, 揀了這個LOVEMORE 戀愛膜法黑珍珠寵愛臻白天絲面膜(NTD299/盒, 每盒5片, 每片30ML)

佢同系列好似有5款, 但我想要的玉容散已斷, 天山雪蓮已"賴過野", 所以無興趣, 咁我就買了黑珍珠和紅景天.

睇說明都幾興奮架..又靈芝,又蜂王乳又何首鳥, 美白呀美白......用法都是洗面後敷10-15分鐘.

用後感 :

- 首先講下質料, 當初我係見到天絲呢2個字被吸引買的. 果然物料係好貼好薄. 好處係貼面, 但亦乾得很快.

- 要讚的是, 覆蓋程度很高很好, 連眼皮位眼肚都蓋到(因眼位開得細), 此仍PAPER MASK我比較少見.



- 精華都算多又夠濕, 但真係乾得快.

- 我敷了3次, 其實又真係唔覺有乜改善, 敷個下係幾濕咁(當然啦, 成張MASK撻左係塊面一定濕架), 但敷完之後, 無白到, 無濕到.

- 我唔知係唔係肌齡有影響, SO FAR我真係對PAPER MASK無乜憧憬了. 也許後生女用會覺得OK. 但我覺得自己都無謂再徙錢買PAPER MASK了. 




** 謝謝收看! 喜歡這文章的朋友請按"LIKE"給我一點鼓勵啦~ **



這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~