自相殘殺COLLAGEN添加之冷盤 - 七味豬腳仔

好耐無做COOKING MAMA了, 所以我一聽到我個仔(即係我老細) 想食我煮O既飯, 我仲唔仆到去準備咩!

某天我和奶奶, 豬仔3個食飯傾起, 原來唐安琪教女士每星期要飲豬腳湯或食豬手以補天然骨膠原, 豬仔聽到之後話要我食, 咁奶奶忟左一次比阿仔食, 但阿仔唔鐘意太"林"的口感.

於是我做了這個冷盤給他, 他就大讚不絕! 的確不難做, 只是花時間和心機. 我笑他說, 你在自相殘殺自己呀, 豬仔食豬腳仔!

- 買一磅新鮮豬腳仔, 洗淨後待乾, 然後用火去燒燶有豬毛的位置, 再刮毛.

- 用幾片薑加一茶匙鹽, 少量胡椒粉, 用水烚豬腳仔, 約40分鐘, 不要煲得太"林", 沒有口感.

-  準備一盤有冰的冰水, 將烚好的豬腳放入冰水, 以令豬腳仔的皮立即冷凍, 令皮爽又脆.

- 浸10-15分鐘後撈起.

- 準備米醋, 大量薑蓉, 黃糖, 麻油各適量. 米醋以2:1加冷開水稀釋.

- 將以上浸料拌好, 再放入豬腳仔浸泡1-2小時, 撈起即成.(浸過夜仲好味入味!)

- 再灑上七味粉, 酸酸辣辣好味道.

- 我覺得可以在浸的時候加上話梅, 應該風味更好!


這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~