係我每天POST美食相片的同時, 很多C竇的粉絲都會問我究竟是在那裡吃. 所以我決定寫一篇短遊記, 公開分享我愛去的地方.
首先講住，由於我一直多數住民宿大安區（即忠孝復興ＳＯＧＯ附近），但由於易手之後服務水準真的大不如前，不再人情味，所以我不想推介比大家。
講食的就一定要先講上引水產啦. 其實2012年的時候我已寫了一篇REVIEW :
http://blog.yahoo.com/happycdou/articles/594996/category/%E5%90%91%E4%B8%96%E7%95%8C%E5%87%BA%E7%99%BC+-+%E5%8F%B0%E7%81%A3%E7%AF%87
每次有人見到呢盤SEAFOOD PLATTER都會尖叫 (NT1280), 其實都OK抵食, 不要以為好大盤, 其實底下雪多. 2個人就剛剛好.
如果早上去上引的朋友，會見到出面是街市，好多水果都好平好平，可以買Ｄ返酒店食架。但通常中午１２點已收晒工了。
這個在信義誠品food court的夏樹甜品是比較有誠意的。呢個叫杏仁豆腐冰，底層可選配料，我選了芋圓和地瓜圓（可惜我永遠和九份的阿柑姨比、找屎！），中層有豆腐花，加上鮮杏仁碎，再鋪上杏仁棉花冰！亮點是在小節的杏仁粒碎，多重口感，掂呀！
MK火鍋是比較水準穩定，海鮮也多的＂吃到飽＂火鍋。平日NTD499+10%， 仲有Hagaan Daaz 雪糕和 Meiji雪條任食，果汁生力啤任飲，百多元港幣而已，仲想點？？
位於台北車站的地下街這個臭臭鍋是每次我來台北或帶朋友來，必會到的地方、每一個朋友都會愛上的推介！
注意 ： 台北車站的指示圖有３個地下街，你們要去新光三越方向＂站前地下街＂那個，行到盡頭就會見到，在豪大大雞排對面。
這個是招牌腸旺鍋（ＮＴ１３０），有臭豆腐，大腸，貢丸，肉片（超滑），鴨血，椰菜，金菇組成。亮點是湯頭！！用來送飯一流，但注意食左碗飯又未必食得晒成鍋野，但佢地的池上米（ＮＴ１０）又的確好好食，每次我都好煩惱！鍋有好多選擇，唔食腸的可以要粉絲＋其他，總之吃過一次都會回味無窮。
如果會去夜市見到有四神湯可以一試, 四神湯其實不是用什麼名貴材料做，只是薏仁、芡實、淮山、茯苓加上豬粉腸（不用粉腸可改排骨做湯頭. 這些都是平價但有益的材料，滋陰，美白、去水腫！每碗NT40-50左右.
另外我誠意推介呢間「鍋加鍋」，其實有好多分店，大家可以自行上網找。有十幾廿款可再加鐵板或多一個鍋。我要腸旺鍋只係NT109，即三十蚊唔駛！白飯任裝（日本米），有冰麥茶／紅茶任飲丿，如果要一鍋一燒（即一個火鍋＋一個鐵板上的餸）都係ＮＴＤ１６０左右，不另收費仲要無加一！成個鍋配料絕無欺場，平過又好正過大快活，仲不是街邊攤檔，有冷氣架！點做生意架？
地址 : 台北市大安區復興南路一段107巷32號
如果去夜市時見到青草茶可以一試. 其實青草茶幾好飲，因有薄荷葉，飲完個人好消暑涼浸浸,好爽!
如果去開五分埔成衣批發的朋友，可以去食呢個船軒滷味，次次都大排長龍。至於五分埔值唔值得行，我覺得見人見智啦，好多都係中國製，係香港都買到又唔係特別好便宜。
如果最後一天返香港上午仲有時間又想買批發水果，可以去萬華區萬大路５３３號的第一果菜批發市場。呢度真係超平，佢地會有Ｄ好特別的水果或優質的以批發價賣，但都係早起的鳥兒有虫吃，早Ｄ去會買到Ｄ靚野。
我一直以為度小月的魯肉飯已很好吃、這間金峰魯肉飯是台灣朋友介紹的, 更出色！
金峰已開了30年, 佢地的魯肉飯沒有如別家的肉攪到很碎, 秘方是個汁加了咖喱, 我和豬仔早餐一啖一啖的吃, 覺得好幸福!
我再叫了鳳梨苦瓜雞湯(NT50), 清熱~
溫馨提示 : 女生叫小碗就夠了(NT25), 否則會太飽架啦~
地址 : 台北中正區羅斯福路一段10號(捷運:中正紀念堂5號出口, 到地面直行10秒即到)
食飽可以去南門市場買下手信, 有好多豬肉乾(快車牌)和一些台灣人的日常食品都有, 也有好多試食架(豬仔最LIKE!!! 試食都飽晒!)
去到永康街, 又係選擇困難症發作時, 肚得一個, 食得幾多??
老張牛肉麵是阿仔指定要食的, 因為2年前他來淡江大學上SUMMER CAMP, 老張就在大學隔離.
今次佢叫了清燉牛肉麵, 食完之後話都係蕃茄牛肉麵好味D, 因為味濃.
而我, 因為戒了牛, 所以只吃了小魚涼拌, 都好好味架 NT50
阿仔食完到我食了, 我今次揀了這間主打是宜蘭菜.
入到去食堂，我同服務員講：「你可唔可以介紹一D好味但唔飽嘅野比我？最好細細碟因為我仲有好多野要食!」，佢聽完我咁講O曬咀！
係台灣，要eat wise and eat good! 肚位有限！切記戒吃飯!
以前去永康街一定要打的, 現在開了"東門"站, 方便很多了~ (出5號出口), 店的裝置很純樸.
這碟叫"透抽"的尤魚超爽口, 配上秘製醬汁, 最快清碟.
醬燒鯖魚, 阿仔叫了2份食晒, 佢話好味, 無骨.
這個又是用酒浸的蛤蠣, 超愛. 如果老公係度唔會比我食咁多, 今次咁多日我起碼食了2斤, 肉好嫩好滑又好味~ 無得頂!
這個蝦是用了酒, 北芪, 杞子, 紅棗浸, 我鐘意但阿仔唔LIKE藥材味. 蝦大隻兼彈牙.
本來好想係永康街食埋芒果刨冰先走, 但實在太多人了, 最後都係去返SOGO的MRS FAITH費太太食, 平D又有得坐又有冷氣, 而且又大份, 何必為名氣而去逼餐死??
購物呢，對我來講台灣已沒有什麼是必買, 而且不是我強項，因為我只喜歡吃 .又比較愛買書多一點， 不過都有Ｄ好介紹：
敦化南路一段１６１巷的boutique們我都喜歡，心水推介有Oh ! my girl, Queen Shop, Secret. Oh! my girl的韓Ｔ不用HK$100一件，另外Queen Shop有很多台灣製造的衣物也是這個價位，多買也不心痛。
當大家都以為８６小舖最出名，其實台妹都喜歡這＂小三美日＂舖，地方比８６更大更好行。我見好多台妹的男友都在門外煲煙等女友呢～
台灣的十二蚊店比香港的選擇多好多, 我每次去完台北車站的三越和光南大批發之後, 總會去三越隔離的秋葉原2樓的DAISO尋下寶, 好多時香港斷貨的或無的, 呢度都會大把. 下圖呢支MASCARA BASE好多人都話好用, 打左底唔甩色, 眉毛都可用. 香港已全線斷貨. 而我都揾到我其他的心頭好.
就這樣啦，喜歡這篇遊記雜寫的朋友請給我一個ＬＩＫＥ或ＳＨＡＲＥ開去啦～ 謝謝！
沒有留言:
發佈留言