自製潤喉枇杷茶

近日轉天氣, 喉嚨乾不舒服, 突然醒起我在台灣買了這個枇杷干, 立即拿出來睇下點攪作好.

這個枇杷干當時我買了一包小的和一瓶裝, 小的老公以為是乾果, 幫我全包吃掉!!!
仲要同我講, "老婆, 呢包乜野黎架?? 幾好食, 食完個喉嚨好舒服 ~" OKOK, 老細, 你鐘意就得啦.

據負責人稱, 要用6斤新鮮的枇杷才可以做出一瓶. 好珍貴呀!

這些枇杷果都是由台灣桃園的農產中心生產, 打著他們的招牌也是受當地的監察, 所以品質有多一點保証.

成份 : 枇杷, 川貝, 羅漢果和麥芽糖

重量 : 600克

我自己的做法很簡單, 3人份量, 我拿了8粒切片, 用800ML 水煲15分鐘即成,熄火再焗多15分鐘,  一人一杯.

一人飲的話就無謂煩, 用2粒-3粒剪片, 用真空杯焗就OK了, 焗15-20分鐘, 可以翻泡多一次都仲有味架. 不過水的份量要少一半.

味道是超好飲, 甘甜, 涼涼地(因為有甘草和羅漢果), 飲完個喉嚨好舒服!

實不相瞞，我呢D懶精已一次過將整瓶枇杷干剪囇、一粒剪3-4開（視乎大細），咁要就咁當零食（我老公like),或煲水／焗來飲就唔駛次次麻煩洗手，尤其在office 呢！我自己中意㷛黎飲多過就咁空口食，其實㷛完之後的枇杷干仲好味呀，千其唔好掉左去，一定要試，信我！！

其他食用方法 :

- 可以就咁剪成薄片, 每次含2至3片一陣才食.

- 如果已有小小喉嚨痛或作感冒的話, 泡完的枇杷茶加少少鹽服用, 效果更好.

- 如果時常手腳冰冷的朋友, 可以加2片老薑泡服, 可以驅寒成為枇杷薑蜜, 正呀~



適合以下人士飲用 :

1. 常常要講話的人 (老師, 營業人士)
2. 明明沒感冒, 但在轉季的時候時常覺得喉嚨乾卡卡
3. 時常容易感冒的人
4. 便秘
5. 抽煙人士


以下是一些客的COMMENT.

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~