你無睇錯, 我無寫錯! 我自己賣緊泉發產品, 竟然話有雷品??

初頭我諗, 我唔推介寫就OK啦, 諗諗下, 唔係WOR, 大家可能可以係其他地方買架麻..都係寫出黎"大義滅親"+"公諸於世"好D!

泉發橙花蜂王極淨卸妝油 200ml

成分: 荷荷芭油、山茶花籽油、酪梨油、小麥胚芽油、角鯊烷、月見草油、橙花精油、蜂王乳萃取、薰衣草精油、葡萄柚精油、德國洋甘菊、維他命E。

瓶內的物體應該是洋甘菊吧~

主要成分為優質小麥胚芽油，植物性胎盤素，其成分質地與肌膚的皮脂極為相近，因此能以油溶的方式，徹底溶解防水性的睫毛膏及防曬用品、濃妝使其徹底清除.

使用方法：臉乾手乾取適量輕輕按摩於全臉肌膚，直到彩妝、髒污清除後，雙手沾水按摩乳化（3 ~ 4次）再以溫水沖洗乾淨即可。

下圖是我加油後打圈了30次的效果!! 堅呀!! 好似無卸過一樣!!

下圖係我加水乳化後再以摔跌打酒的手勢再打圈摔30野, 都係甩唔晒!!

官網說明是可以卸眼妝, 睫毛液. 講真, 市面上大部份的MASCARA或多或少都防水架啦~ 如果摔30野都唔甩, 我對眼仲駛要O既??? 我搽多多EYE SERUM, FACIAL SERUM都唔補唔返啦, 要咁樣摔法!

而且咁摔對幼弱的眼睫毛傷害更大, 辛辛苦苦先湊大佢地!

最致命的是, 洗面幾次都仲係覺得塊面好似仲有油咁, 潺潺地!! 感覺好似仲未乾淨>_<

所以, 一致裁定佢永不超生! 不如諗下可以有乜其他用途好過~

這個是C竇的新點, 想扒舊文的朋友 : 按我回顧

請按以下ICON "LIKE"我的FACEBOOK FANS PAGE "C-DOU", 可得到第一時間美容, 健康, 時裝的UPDATE ~