最近真的頭頭碰著黑, 無端端被好心的士司機開手掣彈開車門撞到左手拇指過度外拗而傷了軟骨要睇跌打之外, 連我一直百毒不侵的皮膚j都變得敏感 
, 我的百毒不侵招牌已被破了!!!!
以前不論我試什麼在面上都無事, 最近無端端皮膚有點紅, 刺痛. 咁我一心打算去做FACIAL補救, 去了找我的美容師. 點知,由洗面開始已覺得全面好"吉", 之後她幫我用爽膚水又吉, 咁老闆娘話, 你咁O既狀態好難做FACIAL WOR, 不要我幫你試下搽精華? 如事者每一樣一搽上面即吉, 又即用水洗走! 最後佢話算啦, 今日唔好做FACIAL了~ >_<.... 我直情唔只面"吉", 而且仲運吉!!!
回到家, 我心諗點算好呢?? 其實一開始始敏感的時候, 我已轉晒用防敏感系列, 不過皮膚狀態仍然唔太穩定, 時不時會紅起一撻或紅點而有點痕. 想起家中入了Pixel Clinical 最新的Skin Latte, 睇下幫唔幫到手.
Skin Latte 是Pixel Clinical的新產品, 據說是加強版的美肌28 (Wrinkle No More), 因為比美肌28更多了一種Glucan.
以下為Skin Latte的資料 :
產品 : Skin Latte 拯救弱敏肌精華
原產地 : 意大利
容量 : 30ml
主要成份 : Beta-1, 3-Glucan, CM-Glucan
Glucan 是多醣類, 證實是可以增強皮膚免疫力, 同時可以抗敏, 抗衰老及改善膚質的作用.
主要功效 :
- 能快速重建受創的脆弱肌膚, 緩和受創肌之不適
- 強化肌膚的天然屏障, 具有清炎和抗炎的功效
- 從肌底層促進皮膚更生代謝, 有效預防色素沉著, 使肌膚重現健康光彩活力
和Pixel所有精華一樣, 都是無味, 但這個Skin Latte是比較thick, 不算稀.
** 使用方式 **
正常潔面後, 先用Toner, 先用這Skin Latte打底後, 才用其他精華和日/晚霜。
** 用後感 **
- 上次我敏感的時候, 左邊面的鼻翼旁紅了一撻, 而且有微微腫起, 小小痕癢, 持續了2-3天. 我搽完SKIN LATTE才進行正常的護理程序去睡. 第二天起身就無事了. 不過我不怠慢, 都KEEP住搽多幾日先. 作為急救, 這SKIN LATTE是很不錯.
- 有一位客, 有一天上來我店叫救命, 眼見佢下巴位甩晒皮, 又紅又腫, 我建議佢用SKIN LATTE. 第二天, 佢有以下報告 :
另一位的分享~
- 不要以為Skin Latte只是要黎救敏感皮膚, 我會覺得佢係為皮膚打好底子, 就好似我地食地維他命Supplement一樣, 預防勝完治療。當然出了事時用它, 效果更快見到！潮濕的日子快到, 容易因天氣或濕度轉變而皮膚敏感的朋友要留意了.
- 對於做完彩光, 激光, MTS, milk peel後而敏感發紅的朋友, 也可以使用Skin Latte, 因為其降紅能力很不錯, 起碼第二日返工都唔會似關公！
- 另外一個意外發現, 是發覺用了Skin Latte之後再搽其他精華, 皮膚對精華吸收力更好.
- 如果你的皮膚是容易出暗瘡有傷口, 這個是有抗炎的功效, 可以令炎症快些癒合, 快D 好返.
- 如要再充份補水鎖水, 建議大家在SKIN LATTE仍未滲晒入皮膚仲濕濕地之前, 快快手加多層HA或B5會更好效果.
如有任何問題或查詢可以EMAIL或私留給我~ .
** 謝謝收看! 喜歡這文章的朋友請按"LIKE"給我一點鼓勵啦~
**這個是C竇的新點, 想扒舊文的朋友 : 按我回顧
沒有留言:
發佈留言